தேனியில் ரயில்வே தேர்வுக்கு  இலவசப் பயிற்சி வகுப்பு

தேனியில், வேலை வாய்ப்பு அலுவலக தன்னார்வ பயிலும் வட்டம் சார்பில்  ரயில்வே தேர்வு வாரிய போட்டித் தேர்வுக்கு இலவசப் பயிற்சி வகுப்பு நடைபெற உள்ளது.
இது குறித்து மாவட்ட நிர்வாகம் வெளியிட்டுள்ள அறிவிப்பு: ரயில்வே தேர்வு வாரியம் சார்பில் குரூப் டி பணிகளுக்கான 2,979 காலியிடங்கள் மற்றும் 945 லோகோ பைலட் மற்றும் தொழில் நுட்பப் பிரிவு காலிப் பணியிடங்களுக்கு போட்டித் தேர்வு அறிவிக்கப்பட்டுள்ளது. 
இத்தேர்வுக்கு தேனி மாவட்ட வேலை வாய்ப்பு அலுவலக வளாகத்தில் ஏப். 9-ஆம் தேதி முதல் தன்னார்வ பயிலும் வட்டம் சார்பில் இலவசப் பயிற்சி வகுப்பு நடைபெற உள்ளது.
போட்டித் தேர்வுக்கான பயிற்சி வகுப்பில் சேர விரும்புவோர் தேர்வுக்கு விண்ணப்பித்த விவரம், வேலை வாய்ப்பு அலுவலகப் பதிவு  அடையாள அட்டை, ஆதார் அட்டை ஆகியவற்றின் நகல்களுடன் ஏப்.6-ஆம் தேதிக்குள் மாவட்ட வேலை வாய்ப்பு அலுவலகத்தில் தங்களது பெயர்களை பதிவு செய்து கொள்ளலாம் என்று அறிவிக்கப்பட்டுள்ளது.