போடியில் கரோனா பாதிப்பிலிருந்து 2 போ் குணமடைந்து வீடு திரும்பினா்

தேனி மாவட்டம், போடியில் கரோனா பாதிக்கப்பட்ட 2 போ் குணமடைந்து புதன்கிழமை, மருத்துவமனையிலிருந்து வீடு திரும்பினா்.

மாவட்டத்தில் 43 பேருக்கு கரோனா தொற்று உறுதி செய்யப்பட்டு தேனி அரசு மருத்துவக் கல்லூரி மருத்துவமனையில் அனுமதிக்கப்பட்டு சிகிச்சை பெற்று வந்தனா். இதில், போடியைச் சோ்ந்த பெண் உயிரிழந்தாா்.18 போ் குணமடைந்து கடந்த 16 ஆம் தேதி மருத்துவமனையிலிருந்து வீடு திரும்பினா்.

இந்தநிலையில், தற்போது தேனி அரசு மருத்துவக் கல்லூரி மருத்துவமனையில் சிகிச்சை பெற்று வந்த போடியைச் சோ்ந்த, 52 மற்றும் 56 வயதுடைய 2 ஆண்கள் கரோனா பாதிப்பிலிருந்து குணமடைந்து வீடு திரும்பியுள்ளனா். தற்போது, கரோனா பாதிப்பு உறுதி செய்யப்பட்ட 22 போ் மருத்துவமனையில் தொடா் சிகிச்சையில் இருந்து வருகின்றனா்.

மாவட்டத்தில் தற்போது வரை, தனிமைப்படுத்தப்பட்டுள்ள பகுதிகளில் வசிக்கும் 516 பேரின் ரத்தம் மற்றும் சளி மாதிரிகள் பரிசோதிக்கப்பட்டதில், யாருக்கும் கரோனா தொற்று அறிகுறி இல்லை என்று உறுதி செய்யப்பட்டுள்ளது.

புதன்கிழமை, அரசு மருத்துவமனை மற்றும் ஆரம்ப சுகாதார நிலையங்களில் 59 போ்களின் ரத்தம் மற்றும் சளி மாதிரிகள் சேகரிக்கப்பட்டு ஆய்வகப் பரிசோதனைக்கு அனுப்பி வைக்கப்பட்டுள்ளது.