10 மாதங்களுக்குப் பின்மக்கள் குறைதீா் கூட்டம்

தேனி மாவட்ட ஆட்சியா் அலுவலகத்தில் 10 மாதங்களுக்குப் பின்பு மாவட்ட நிா்வாகம் சாா்பில் திங்கள்கிழமை மக்கள் குறைதீா் கூட்டம் நடைபெற்றது.

மாவட்டத்தில் கரோனா பரவல் தடுப்பு நடவடிக்கையாக மாவட்ட நிா்வாகம் சாா்பில் ஒவ்வொரு வாரமும் திங்கள்கிழமை தோறும் நடைபெற்று வந்த மக்கள் குறைதீா் கூட்டம், கடந்த மாா்ச் மாதத்துடன் நிறுத்தப்பட்டது. பொதுமக்கள் தங்களது கோரிக்கைகள் குறித்த மனுக்களை ஆட்சியா் அலுவலகத்தில் வைக்கப்பட்டிருந்த பெட்டியில் போட்டு வந்தனா். இந்த மனுக்கள் பதிவு செய்யப்பட்டு, மாவட்ட நிா்வாகம் சாா்பில் நடவடிக்கைகள் மேற்கொள்ளப்பட்டு வந்தது.

இந்த நிலையில், மாவட்ட ஆட்சியா் அலுவலத்தில் 10 மாதங்களுக்குப் பின்பு ஆட்சியா் ம.பல்லவி பல்தேவ் தலைமையில் மக்கள் குறைதீா் கூட்டம் நடைபெற்றது. மாவட்ட வருவாய் அலுவலா் க.ரமேஷ், ஊரக வளா்ச்சி முகமைத் திட்ட இயக்குநா் திலகவதி, உதவி ஆட்சியா் (பயிற்சி) தாக்ரே சுபம் ஆகியோா் முன்னிலை வகித்தனா்.

இதில், அரசு நலத் திட்ட உதவி, கல்விக் கடன் உள்ளிட்ட பல்வேறு கோரிக்கைகள் குறித்து மொத்தம் 104 போ் மனு அளித்தனா். இந்த மனுக்கள் மீது உரிய நடவடிக்கை எடுத்து, மனுதாரருக்கு 15 நாள்களுக்குள் பதிலளிக்குமாறு சம்பந்தப்பட்ட துறை அலுவலா்களுக்கு ஆட்சியா் உத்தரவிட்டாா்.