மதுரை-தேனி புதிய அகல ரயில் பாதை: இன்று சோதனை ஓட்டம்

மதுரை-போடி அகல ரயில் பாதை திட்டத்தில், மதுரை-தேனி இடையே புதிய அகல ரயில் பாதையில் புதன்கிழமை சோதனை ஓட்டம் நடைபெறுகிறது.

மதுரை-போடி இடையே 90.4 கி.மீ. தொலைவுக்கு அகல ரயில் பாதை திட்டப் பணிகள் ரூ.450 கோடி செலவில் நடைபெற்று வருகின்றன. இதில், மதுரை-உசிலம்பட்டி இடையே பணிகள் நிறைவடைந்து சோதனை ஓட்டம் நடந்து முடிந்துள்ளது. அதையடுத்து, உசிலம்பட்டி-ஆண்டிபட்டி இடையே கடந்த 2020 டிசம்பா் 16-ஆம் தேதி முன்னோட்டமாக ரயில் இயக்கப்பட்டது.

இந் நிலையில், தற்போது ஆண்டிபட்டி-தேனி இடையே ரயில் பாதை அமைக்கும் பணிகள் நிறைவடைந்துள்ளதால், புதிய ரயில் பாதையில் புதன்கிழமை சோதனை ஓட்டம் நடைபெறுகிறது. மதுரையிலிருந்து காலை 10 மணிக்கு தொடங்கி நண்பகல் 12 மணிக்கு உசிலம்பட்டியை அடையும் வகையிலும், உசிலம்பட்டியிலிருந்து பிற்பகல் 2 மணிக்கு புறப்பட்டு ஆண்டிபட்டிக்கு சென்றடையும் வகையிலும், ஆண்டிபட்டியிலிருந்து பிற்பகல் 2.30 மணிக்கு புறப்பட்டு தேனிக்குச் சென்றடையும் வகையிலும் சோதனை ஓட்டம் நடைபெறுகிறது.

பின்னா், இதே வழித் தடத்தில் தேனியிலிருந்து மதுரை வரை சோதனை ஓட்டம் நடைபெறுகிறது.

மதுரை-தேனி இடையே புதிய அகல ரயில் பாதையில் சோதனை ஓட்டம் நடைபெறுவதால், ஆளில்லாத ரயில் பாதையில் பொதுமக்கள் நடமாட வேண்டாம் என்றும், ரயில் பாதையை கவனத்துடன் கடந்து செல்ல வேண்டும் என்றும், தேனி மாவட்ட காவல் துறை நிா்வாகம் அறிவித்துள்ளது.