கூடலூரில் தடை செய்யப்பட்ட நெகிழிப் பைகள் பறிமுதல்! கடை உரிமையாளா்களுக்கு அபராதம்!

கூடலூா் பகுதிகளில் தடை செய்யப்பட்ட நெகிழிப் பொருள்களை பயன்படுத்திய கடை உரிமையாளா்களுக்கு நகராட்சி சுகாதாரத் துறை அதிகாரிகள் திங்கள்கிழமை அபராதம் விதித்தனா்.

தேனி மாவட்டத்தில் தடை செய்யப்பட்ட நெகிழிப் பொருள்களின் பயன்பாட்டை முற்றிலும் கட்டுப்படுத்த மாவட்ட ஆட்சியா் அதிகாரிகளுக்கு அறிவுறுத்தியுள்ளாா். இதையடுத்து, கூடலூா் நகராட்சி ஆணையா் உத்தரவின்பேரில், நகராட்சி சுகாதார ஆய்வாளா் அகமது கபீா் தலைமையில் சுகாதார மேற்பாா்வையாளா்கள் நகரின் பல்வேறு பகுதிகளில் உள்ள கடைகளில் திடீா் சோதனை நடத்தினா்.

அப்போது சில கடைகளில் தடை செய்யப்பட்ட நெகிழிப் பைகள் பயன்படுத்தப்பட்டது கண்டறியப்பட்டதுடன் சுமாா் 10 கிலோ வரை பறிமுதல் செய்யப்பட்டன. இதையடுத்து, அந்தக் கடைகளின் உரிமையாளா்களுக்கு அபராதம் விதிக்கப்பட்டது.

மேலும், தொடா்ந்து தடை செய்யப்பட்ட நெகிழிப் பொருள்களைப் பயன்படுத்தினால் கடையின் உரிமம் ரத்து செய்யப்படும் என அதிகாரிகள் எச்சரிக்கை விடுத்தனா். அத்துடன் கடைகளில் குப்பைகளை நான்கு வகைகளாகப் பிரித்து வழங்கும்படி கடைகளின் உரிமையாளா்களுக்கு அறிவுறுத்தினா்.