சென்னகேசவ பெருமாள் கோயில் தேரோட்டம்

விருதுநகர் மாவட்டம் மல்லாங்கிணறு செங்கமலநாச்சியார் சமேத சென்னகேசவ பெருமாள் கோயில் பங்குனி தேரோட்ட திருவிழா ஞாயிற்றுக்கிழமை மாலை 6 மணிக்கு நடைபெற்றது.

    சென்னகேசவ பெருமாள் கோயில் பங்குனி உத்திர திருவிழா கடந்த 10 நாள்களுக்கு முன்பு கொடியேற்றத்துடன் துவங்கியது.

      முக்கிய நிகழ்ச்சியான தேரோட்ட திருவிழா ஞாயிற்றுக்கிழமை நடைபெற்றது. பேரூராட்சி தலைவர் நாகையா வடம் பிடித்து தேரோட்டத்தை துவக்கி வைத்தார். மல்லாங்கிணறின் 4 ரதவீதிகள் வழியாக தேர் வலம் வந்து நிலையை அடைந்தது. இந்த திருவிழாவில் 10 ஆயிரத்துக்கும் மேற்பட்ட பக்தர்கள் கலந்து கொண்டு பெருமாளை வழிபட்டனர். கோயில் தேரோட்ட திருவிழா நிகழ்ச்சிக்கான ஏற்பாடுகளை கோயில் நிர்வாக கமிட்டியினர் செய்திருந்தனர்.