இருக்கன்குடி மாரியம்மன்  கோயில் ஆடித்திருவிழா:  இன்று கொடியேற்றம்

இருக்கன்குடி மாரியம்மன் கோயில் ஆடித் திருவிழா வெள்ளிக்கிழமை (ஆக.3)  கொடியேற்றத்துடன் தொடங்குகிறது.
    விருதுநகர் மாவட்டம் சாத்தூர் அருகே இருக்கன்குடியில் உள்ள பிரசித்தி பெற்ற இக்கோயிலில் ஆண்டுதோறும் ஆடி மாதம் ஆடிப் பெருந் திருவிழா வெகு விமரிசையாக நடைபெறும். இத்திருவிழாவுக்கான கொடியேற்றம் வெள்ளிகிழமை காலை 10 மணிக்கு நடைபெறுகிறது. இத்திருவிழாவின் முக்கிய நிகழ்ச்சியான அம்மன் வீதி உலா வரும்  ஆகஸ்ட் 10 ஆம் தேதி நடைபெறும் என கோயில் நிர்வாகத்தினர் தெரிவித்தனர். இத்திருவிழாவை முன்னிட்டு ஏராளமான பக்தர்கள் பல்வேறு பகுதிகளில் இருந்து வந்து சாமி தரிசனம் செய்து வருகின்றனர். திருவிழாவை முன்னிட்டு இருக்கன்குடியில் ஏராளமான போலீஸார் பாதுகாப்பு பணியில் ஈடுபட்டுள்ளனர்.