கண்மாயில் மணல் திருட்டு: இருவர் கைது

சிவகாசி அருகே கண்மாயில் சட்ட விரோதமாக மணல் அள்ளிய இருவரை போலீஸார் புதன்கிழமை கைது செய்தனர்.
சிவகாசி அருகே திருவேங்கடாபுரத்தில் உள்ள சிறுகுளம் கண்மாயில் சட்ட விரோதமாக மணல் திருடப்படுவதாக கிடைத்த தகவலின் பேரில் போலீஸார் அப்பகுதியில் சோதனை நடத்தினர். அப்போது, ஒரு டிராக்டரில் இருவர் மணல் அள்ளிக் கொண்டிருப்பது தெரியவந்தது. விசாரணையில் அவர்கள் திருவேங்கடாபுரம் மணிகண்டன் (37) மற்றும் பொன்னழகு (53) என்பது தெரியவந்தது. இதுகுறித்து மாரனேரி போலீஸார் வழக்குப் பதிந்து டிராக்டரை பறிமுதல் செய்து, மணிகண்டன் மற்றும் பொன்னழகுவை கைது செய்தனர்.