சாத்தூரில் சிற்றுந்துகளால் போக்குவரத்துக்கு இடையூறு

சாத்தூரில் சிற்றுந்துகளால் போக்குவரத்துக்கு இடையூறு ஏற்படுகிறது என பொதுமக்கள் புகார் தெரிவிக்கின்றனர்.
விருதுநகர் மாவட்டம், சாத்தூர் அருகே படந்தால், சத்திரபட்டி, சடையம்பட்டி, ஒ.மேட்டுபட்டி, வெங்கடாசலபுரம், ராமலிங்காபுரம், அம்மாபட்டி, சந்தையூர் ஆகிய பகுதிகளுக்கு, சாத்தூரிலிருந்து தனியார் சிற்றுந்துகள் 7 இயக்கப்படுகின்றன. ஆனால், இந்த சிற்றுந்துகள் நகரின் பல்வேறு இடங்களிலும் திடீர் திடீரென நிறுத்தி பயணிகளை ஏற்றி இறக்குவதால், போக்குவரத்து நெரிசல் ஏற்படுகிறது. இதனால், விபத்தும் ஏற்பட்டு வருகிறது. 
எனவே, நகரில் சிற்றுந்துகளை முறையாக இயக்க போக்குவரத்து போலீஸார் நடவடிக்கை எடுக்கவேண்டும் என, பொதுமக்களும், சமூக ஆர்வலர்களும் கோரிக்கை விடுத்துள்ளனர்.