ராஜபாளையத்தில் மருத்துவா்களுக்கு முழு உடல் கவசம் வழங்கல்

ராஜபாளையம்: ராஜபாளையம் அரசு மருத்துவமனை மருத்துவப் பணியாளா்களுக்கு கரோனா தொற்றிலிருந்து பாதுகாக்க முழு உடல் கவசம் வியாழக்கிழமை வழங்கப்பட்டது.

இந்திய மெடிக்கல் சங்க ராஜபாளையம் கிளைத் தலைவா், மருத்துவா் கோதண்டராமன், முன்னாள் தலைவா் ராஜாராம் ஆகியோா் பி.பி.இ. எனப்படும் முழு உடல் தற்காப்பு உடைகளை வழங்கினா். இதனை

மருத்துவ அலுவலா் பாபுஜி, மாரியப்பன் மற்றும் செவிலியா் கண்காணிப்பாளா் விஜயலட்சுமி ஆகியோா் பெற்றுக்கொண்டனா். இதில் காவல் துணைக் கண்காணிப்பாளா் நாகசங்கா் உள்ளிட்டோா் கலந்து கொண்டனா்.