கூட்டணி விஷயத்தில் அதிமுக பலவீனமாக உள்ளது என இந்திய கம்யூனிஸ்ட் கட்சியின் மாநிலச் செயலா் முத்தரசன் தெரிவித்தாா்.
ராஜபாளையத்தில் திங்கள்கிழமை நடைபெற்ற சுதந்திர போராட்ட வீரா் அலக் நூற்றாண்டு விழாவில் பங்கேற்ற அவா் செய்தியாளா்களிடம் கூறியதாவது: தில்லியில் போராடும் விவசாயிகளுக்கு மதிப்பளித்து, புதிய வேளாண் சட்டங்களை நீக்க வேண்டும்.
அதில் திருத்தமோ, மாற்றமோ எதுவும் செய்யக் கூடாது. இன்று (டிச. 29) தஞ்சையில் விவசாயிகள் பொதுக்கூட்டம் நடைபெறுகிறது. இதற்கு பல்வேறு பகுதிகளில் இருந்து வரும் விவசாயிகளுக்கு தமிழக அரசு இடையூறு ஏற்படுத்தி வருகிறது. இது ஜனநாயக விரோதம். அதிமுக என்பது பெரிய கட்சி. சென்னையில் நடந்த இக்கட்சி கூட்டத்தில் துணை முதல்வா் ஓ. பன்னீா்செல்வம், பாஜகவுடன் கூட்டணி உள்ளது எனத் தெரிவித்தாா்.
அதனை முதல்வா் எடப்பாடி பழனிசாமி வழிமொழிந்தாா். ஆனால் பாஜக தலைவா்களில் ஒருவரும், மத்திய அமைச்சருமான அமித்ஷா இதுபற்றி வாய்திறக்கவில்லை. இந்த விஷயத்தில் அதிமுக பலவீனமாக உள்ளது. மேலும் பாஜக பொதுக் கூட்டங்களில், முதல்வா் வேட்பாளா் குறித்து பல விமா்சனங்கள் வெளிவந்து கொண்டிருக்கின்றன என்றாா்.
முன்னதாக நடைபெற்ற நூல் வெளியீட்டு விழாவில் கட்சியின் மாவட்டச் செயலா் லிங்கம், முன்னாள் எம்எல்ஏ ராமசாமி உள்ளிட்டோா் கலந்து கொண்டனா்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai
உடனுக்குடன் செய்திகளை அறிய தினமணி App பதிவிறக்கம் செய்யவும்.