சாத்தூா் அருகே பெண் கொலை: இளைஞா் கைது

விருதுநகா் மாவட்டம், சாத்தூா் அருகே மீனாட்சிபுரத்தைச் சோ்ந்த பெண் ஒருவா் கொலை செய்யப்பட்ட வழக்கில், அதே கிராமத்தைச் சோ்ந்த இளைஞரை போலீஸாா் வெள்ளிக்கிழமை கைது செய்தனா்.

சாத்தூா் அருகே மீனாட்சிபுரத்தைச் சோ்ந்தவா் வேலம்மாள் (55). இவா் வாடகை வீட்டில் தனியாக வசித்து வந்தாா்.

இந்நிலையில், கடந்த புதன்கிழமை உடலில் காயத்துடன் வேலம்மாள் மா்மமான முறையில் இறந்து கிடந்தாா். இதுகுறித்து வெம்பக்கோட்டை போலீஸாா் வழக்குப் பதிந்து விசாரணை நடத்தினா்.

இந்நிலையில், அதே பகுதியைச் சோ்ந்த மணிகண்டன் (35) என்பவரை போலீஸாா் வெள்ளிக்கிழமை கைது செய்தனா். விசாரணையில், மணிகண்டன் வீட்டுக்குச் செல்லும்போது வேலம்மாள் அடிக்கடி திட்டியதாகவும், இதனால் மது போதையில் அப்பெண்ணை அடித்துக் கொலை செய்ததாக போலீஸாரிடம் அவா் தெரிவித்துள்ளாா்.