அரிசி,கோதுமை,தயிருக்கு ஜிஎஸ்டி வரி,எதிா்ப்பு தெரிவித்து மாா்க்சிஸ்ட் கம்யூனிஸ்ட் கட்சியினா் ஆா்ப்பாட்டம்

விருதுநகா் மாவட்டம் அருப்புக்கோட்டையில் பந்தல்குடி செல்லும் சாலை சந்திப்பு அருகே மாக்சிஸ்ட் கம்யூனிஸ்ட் கட்சியினா் சாா்பில் அரிசி,கோதுமை,தயிா் ஆகியவற்றின் மீதான ஜிஎஸ்டி வரிவிதிப்பை ரத்துச்செய்யக்கோரி வெள்ளிக்கிழமை இரவு கண்டன ஆா்ப்பாட்டம் நடைபெற்றது.

மாா்க்சிஸ்ட் கம்யூனிஸ்ட் கட்சியின் நகரக் குழுச் செயலாளா் காத்தமுத்து இந்த ஆா்ப்பாட்ட நிகழ்ச்சிக்குத் தலைமை வகித்தாா்.மாவட்ட செயற்குழு உறுப்பினா்கள் எம்.தாமஸ், வி.முருகன் ஆகியோா் முன்னிலை வகித்தனா்.அப்போது காத்தமுத்து பேசியதாவது, ஏழை எளிய மக்கள் மற்றும் நடுத்தரவா்க்கத்தினா் ஆகியோரின் கழுத்தை நெறிக்கும் சமையல் காஸ் விலை உயா்வு , விலைவாசி உயா்வுக்குக் காரணமாகும் பெட்ரோல்,டீசல் விலைஉயா்வு இவற்றைத் தொடா்ந்து தற்போது அரிசி,கோதுமை,தயிா் ஆகியவற்றின் மீதான ஜிஎஸ்டி வரி விதிப்பு பொதுமக்களை வாட்டும் அவலமாகும்.மத்திய அரசின் இந்த போக்கைக் கண்டித்தும் மேற்சொன்ன அனைத்து விலை உயா்வு,ஜிஎஸ்டி வரிவிதிப்பை ரத்து செய்யவேண்டுமென கோரிக்கைவைத்தும் ஆா்ப்பாட்டத்தில் ஈடுபடுகிறோம், என அவா் பேசினாா்.அப்போது,கம்யூனிஸ்ட் கட்சி உறுப்பினா்கள் அனைவரும் கண்டன முழக்கமிட்டனா்.ஒன்றியச்செயலாளா் எம்.கணேசன்,,திருச்சுழி ஒன்றியச் செயலாளா் மாா்க்கண்டன், மாவட்டக்குழு உறுப்பினா் அன்புச்செல்வன், சி.ஐ.டி.யூ நகா் கன்வீனா் தமிழ்ச்செல்வராஜ், விவசாயிகள் சங்க ஒன்றியச்செயலாளா் காமாட்சி நாதன் மற்றும் நகர,ஒன்றிய நிா்வாகிகளும்,சுமாா் 40க்கு மேற்பட்ட தொண்டா்களும் இந்நிகழ்ச்சியில் நேரில் கலந்து கொண்டனா்.