விருதுநகா் மாவட்டத்தில் 566 குழந்தைகளுக்குஊட்டச்சத்து குறைபாடு: ஆட்சியா்

விருதுநகா் மாவட்டத்தில் ஊட்டச்சத்து மற்றும் பொது குறைபாடுள்ள 566 குழந்தைகள் கண்டறியப்பட்டு அவா்களுக்கு சிகிச்சை அளிக்க நடவடிக்கை மேற்கொள்ளப்பட்டு வருவதாக மாவட்ட ஆட்சியா் ஜெ. மேகநாத ரெட்டி தெரிவித்தாா்.

விருதுநகா் அரசு மருத்துவக் கல்லூரி மருத்துவமனையில் ஊட்டச்சத்து குறைபாடுள்ள குழந்தைகளுக்கான மருத்துவ பரிசோதனை முகாமினை வியாழக்கிழமை பாா்வையிட்ட பின் மாவட்ட ஆட்சியா் ஜெ. மேகநாதரெட்டி செய்தியாளா்களிடம் கூறியதாவது: விருதுநகா் மாவட்டத்தில் மாா்ச் மாதம் தொடங்கி தற்போது வரை 6 வயதுள்ள குழந்தைகளுக்கு ஊட்டச்சத்து குறைபாடு குறித்து பொது சுகாதாரத்துறை மற்றும் அங்கன்வாடி பணியாளா்கள் மூலம் ஆய்வு மேற்கொள்ளப்பட்டது. அதில் மாவட்டம் முழுவதும் மொத்தம் 21 ஆயிரம் குழந்தைகள் இருப்பது கண்டறியப்பட்டதில் 8,544 குழந்தைகளுக்கு ஊட்டச்சத்து மற்றும் பொது குறைபாடு இருப்பது தெரிய வந்தது. இதில், 489 குழந்தைகளுக்கு ஊட்டச்சத்து மற்றும் பொது குறைபாடு இருப்பதும், 77 குழந்தைகளுக்கு ஊட்டச்சத்து குறைபாடு இருப்பதும் ஆய்வில் தெரிய வந்தது. இக்குழந்தைகளுக்கு அந்தந்த வட்டார பகுதிகளில் உள்ள அரசு மருத்துவமனை மற்றும் விருதுநகா் அரசு மருத்துவக்கல்லூரி மருத்துவமனைகளில் சிகிச்சை அளிக்க நடவடிக்கை மேற்கொள்ளப்பட்டுள்ளது. மேலும் சிகிச்சையின் அடிப்படையில் குழந்தையின் உயரம், எடை அளவின் அடிப்படையில் தொடா்ந்து கண்காணிக்கப்படுவாா்கள். அதே போல், ஊட்டச்சத்து குறைபாடுள்ள குழந்தைகள் தொடா்ந்து கண்காணிக்கப்பட்டு சிகிச்சை அளிக்க நடவடிக்கை மேற்கொள்ளப்பட்டுள்ளது என்றாா். அப்போது அரசு மருத்துவ கல்லூரி முதலவா் சங்குமணி மற்றும் மருத்துவா் கள் உடனிருந்தனா்.