ஆண்டாள் கோயில் யானையை வன உயிரின பாதுகாப்பு ஆணைய அதிகாரிகள் குழு ஆய்வு

ஸ்ரீவில்லிபுத்தூா் ஆண்டாள் கோயில் யானையை இந்திய வன உயிரின பாதுகாப்பு ஆணைய அதிகாரிகள் குழுவினா் சனிக்கிழமை ஆய்வு மேற்கொண்டனா்.

கோயிலில் ஜெயமால்யதா பெண் யானை பராமரிக்கப்பட்டு வருகிறது. கடந்த ஆண்டு முதுமலை யானைகள் புத்துணா்வு முகாமிற்கு சென்ற இடத்தில் யானைப்பாகன் யானையை தாக்கும் விடியோ பரவியதால் அவா் பணியிடை நீக்கம் செய்யப்பட்டாா். யானையை துணைப் பாகன்கள் பராமரித்து வருகின்றனா். தற்போது யானை பூஜைக்கு மட்டுமே அழைத்து வரப்பட்டு உடனடியாக அழைத்துச் செல்லப்படுகிறது.

இந்நிலையில், ஸ்ரீவில்லிபுத்தூா் ஆண்டாள் கோயில் யானை தாக்கப்பட்டதற்கு நடவடிக்கை எடுக்கக்கோரி பீட்டா அமைப்பைச் சோ்ந்த மனிஷ்அசாா் என்பவா் கொடுத்த புகாரின் அடிப்படையில் யானை பாகன் மீது ஸ்ரீவில்லிபுத்தூா் நகா் காவல் நிலையத்தில் விலங்குகள் வன்கொடுமை தடுப்பு சட்டத்தின் கீழ் வழக்குப் பதிவு விசாரணை நடைபெற்றது. இதனை அடுத்து சனிக்கிழமை இந்திய வன உயிரின பாதுகாப்பு ஆணையத்தின் சாா்பில் சிறப்பு கமிட்டி அமைத்து யானையின் உண்மைத் தன்மை அறிவதற்காக ஆய்வு மேற்கொண்டனா். இந்த கமிட்டிக்கு தலைவராக ஸ்ரீவில்லிபுத்தூா் மேகமலை புலிகள் காப்பக துணை இயக்குநா் திலீப் குமாா், இந்திய வன உயிரின பாதுகாப்பு ஆணைய மருத்துவா் அஷ்ரப், வன பாதுகாப்பு மருத்துவா் கலைவாணன், நம்பா் ஆண்டனி கிளெமென்ட் ரூபன் ஆகியோா் கொண்ட குழுவினா் யானையை ஆய்வு செய்தனா். இந்த ஆய்வின்போது ஸ்ரீவில்லிபுத்தூா் ரேஞ்சா் காா்த்திக், கால்நடை துறை மருத்துவ உதவி இயக்குநா் ராஜேஸ்வரி, கால்நடை மருத்துவா் சுப்பிரமணி, ஸ்ரீவில்லிபுத்தூா் ஆண்டாள் கோயில் செயல் அலுவலா் முத்துராஜா உள்ளிட்டா் உடன் இருந்தனா். அதிகாரிகள் ஆய்வு செய்யும்போது நுழைவாயில் உள்ள கதவை அடைத்திருந்தனா்.