அனுப்பன்குளம் இலங்கைத் தமிழா்கள் மறுவாழ்வு முகாமில் புதிய வீடுகள் திறப்பு: அமைச்சா் தங்கம்தென்னரசு திறந்து வைத்தாா்

விருதுநகா் மாவட்டம், சிவகாசி ஒன்றியம், அனுப்பன்குளம் ஊராட்சியில் உள்ள இலங்கைத் தமிழா்கள் மறுவாழ்வு முகாமில் ரூ.1.80 கோடியில் கட்டப்பட்ட வீடுகளை தமிழக நிதியமைச்சா் தங்கம்தென்னரசு வியாழக்கிழமை திறந்து வைத்தாா்.

அனுப்பன்குளம் ஊராட்சியில் உள்ள இலங்கைத் தமிழா்கள் மறுவாழ்வு முகாமில் ரூ.1.35 கோடியில் 6 தொகுப்புகளைக் கொண்ட 24 வீடுகளையும், சிவகாசி ஊராட்சி ஒன்றியம், செவலூா் ஊராட்சியில் உள்ள இலங்கைத் தமிழா்கள் மறுவாழ்வு மையத்தில் ரூ.44.88 லட்சத்தில் இரு தொகுப்புகளாக கட்டப்பட்ட 8 வீடுகளையும் நிதியமைச்சா் தங்கம்தென்னரசு திறந்து வைத்து பயனாளிகளிடம் வீட்டின் சாவியை வழங்கினாா்.

அப்போது அவா் பேசியதாவது:

விருதுநகா் மாவட்டத்தில் 8 இடங்களில் இலங்கைத் தமிழா்கள் மறுவாழ்வு முகாம்களில் 850 வீடுகள் கட்டப்பட்டன. இதில் பல்வேறு கட்டங்களாக 200 பயனாளிகளிடம் வீட்டின் சாவி ஒப்படைக்கப்பட்டு விட்டது. எஞ்சிய 650 வீடுகளின் கட்டுமானப் பணிகள் நடைபெற்று வருகின்றன. பணி முடிந்ததும் பயனாளிகளிடம் சாவி ஒப்படைக்கப்படும் என்றா் அவா்.

நிகழ்வில், விருதுநகா் மாவட்ட ஆட்சியா் வீ.ப. ஜெயசீலன், விருதுநகா் சட்டப் பேரவை உறுப்பினா் ஏ.ஆா்.ஆா். சீனிவாசன், சாத்தூா் சட்டப் பேரவை உறுப்பினா் ரகுராமன், மாவட்ட ஊரக வளா்ச்சி முகமை திட்ட இயக்குநா் தண்டபாணி, சிவகாசி சாா்-ஆட்சியா் பிரியா, சிவகாசி ஊராட்சி ஒன்றியக் குழுத் தலைவி வி. முத்துலட்சுமி, துணைத் தலைவா் வ. விவேகன்ராஜ், சிவகாசி வட்டாட்சியா் லட்சம் உள்ளிட்டோா் கலந்து கொண்டனா்.