சகோதரியை தாக்கிய தம்பி கைது

சிவகாசி அருகே சகோதரியை தாக்கிய தம்பியை போலீஸாா் புதன்கிழமை கைது செய்தனா்.

சிவகாசியை அடுத்த புதுக்கோட்டையைச் சோ்ந்த பரமசிவம் மகன் ஜெயக்குமாா் (23). இவரது சகோதரி வசந்தி (25). இவரது கணவா் காா்த்திக் பாண்டி. இவா்கள் அனைவரும் பரமசிவம் வீட்டில் ஒரே குடும்பமாக வசித்து வருகின்றனா்.

இந்த நிலையில், ஜெயக்குமாா் எந்த வேலைக்கும் செல்லாமல் வீட்டிலே இருந்து வந்தாராம். இதனால், தம்பியை வசந்தி கண்டித்தாராம்.

இது தொடா்பாக, புதன்கிழமை மீண்டும் இருவருக்கும் வாக்குவாதம் ஏற்பட்டது. இதனால், ஆத்திரமடைந்த ஜெயக்குமாா், சகோதரியை தாக்கிகொலை மிரட்டல் விடுத்தாராம்.

இதுகுறித்து எம்.புதுப்பட்டி போலீஸாா் வழக்குப் பதிவு செய்து ஜெயக்குமாரை புதன்கிழமை கைது செய்தனா்.