கரோனா விழிப்புணா்வு கட்டுரை போட்டி: வெற்றி பெற்ற மாணவா்களுக்கு பரிசு

மயிலாடுதுறை வட்டம் மணல்மேடு அரசு ஆண்கள் மேல்நிலைப் பள்ளியில் குறுவள மைய அளவில் நடைபெற்ற கரோனா விழிப்புணா்வு கட்டுரை போட்டியில் வெற்றி பெற்ற மாணவா்களுக்கு வெள்ளிக்கிழமை பரிசுகள் வழங்கப்பட்டன.

விழாவுக்கு, தலைமை ஆசிரியா் பா. ராமமூா்த்தி தலைமை வகித்தாா். உதவித் தலைமையாசிரியா் பி.ஜெயராஜ், பெற்றோா்- ஆசிரியா் கழக துணைத் தலைவா் சி.மோகன்குமாா் ஆகியோா் முன்னிலை வகித்தனா். மயிலாடுதுறை உதவி தொடக்க கல்வி அலுவலா் அ.நாகராஜன் வெற்றி பெற்றவா்களுக்கு பரிசுகளை வழங்கினாா். விழாவில், மணல்மேடு, ஆத்தூா், கடலங்குடி பள்ளிகளைச் சோ்ந்த மாணவா்கள், ஆசிரியா்கள் பெற்றோா்கள் பங்கேற்றனா். நிகழ்ச்சியை முதுகலைத் தமிழாசிரியா் தி.முத்துக்கணியன் தொகுத்து வழங்கினாா். வட்டார வளமைய ஆசிரியா் பயிற்றுநா் சு. ராமலிங்கம் நன்றி கூறினாா்.