‘பாா்த்தீனிய செடிகளின் பரவலைக் கட்டுப்படுத்த வேண்டும்’

பாா்த்தீனிய செடிகளின் பரவலைக் கட்டுப்படுத்த பொதுமக்களிடையே விழிப்புணா்வு ஏற்பட வேண்டும் என வேளாண் அறிவியல் நிலைய முதல்வா் குமார. ரத்தினசபாபதி வலியுறுத்தினாா்.

காரைக்கால் வேளாண் அறிவியல் நிலையத்தில் ஒருங்கிணைந்த பாா்த்தீனிய களைச் செடிகள் கட்டுப்பாடு குறித்த இணையவழி பயிற்சி வியாழக்கிழமை நடைபெற்றது. இப்பயிற்சியை நிலைய முதல்வா் மற்றும் திட்ட ஒருங்கிணைப்பாளா் முனைவா் குமார. ரத்தினசபாபதி தொடக்கிவைத்துப் பேசியது:

பாா்த்தீனிய களைச் செடியானது விஷச் செடி. வெளிநாடுகளிலிருந்து உயா் ரக விளைச்சல் தரக்கூடிய தானியங்களை, குறிப்பாக கோதுமை இறக்குமதி செய்யும்போது அவற்றுடன் களை விதைகள் நம் நாட்டில் பரவியுள்ளதாக அறியப்படுகிறது.

பாா்த்தீனிய களைச் செடியானது மனிதா்களுக்கும், விலங்குகளுக்கும் தோல் மற்றும் சுவாசப் பிரச்னைகளை ஏற்படுத்தும். மக்களிடையே போதுமான விழிப்புணா்வு இல்லாததால் இந்த செடி வேகமாக பரவுகிறது. இதுகுறித்த விழிப்புணா்வும், அதனை கட்டுப்படுத்தும் தொழில்நுட்பங்களையும் மக்கள் தெரிந்திருக்கவேண்டும் என்றாா்.

காரைக்கால் பண்டித ஜவஹா்லால் நேரு வேளாண் கல்லூரி மற்றும் ஆராய்ச்சி நிலைய உழவியல் துறை இணைப் பேராசிரியா் முனைவா் ப. சரவணன், பாா்த்தீனியச் செடிகளை உயிரியல் முறையில் கட்டுப்படுத்த மெக்சிகன் வண்டுகளை பயன்படுத்துமாறு கேட்டுக் கொண்டாா். மேலும் 20 சதவீத உப்பு கரைசல் மற்றும் கிளைபோசேட் களைக்கொல்லி ஒரு லிட்டா் நீருக்கு 10 மில்லி என்ற அளவில் இக்களை செடியில் பூ பூக்கும் முன்பே தெளித்து கட்டுப்படுத்தலாம் என்றாா்.

இந்நிகழ்ச்சியில் இணையவழியாக 100 விவசாயிகள் மற்றும் கல்லூரி மாணவா்களும் கலந்துகொண்டனா். அவா்களின் சந்தேகங்களுக்கு வல்லுநா்கள் விளக்கமளித்தனா். வேளாண் அறிவியல் நிலையத்தின் விரிவாக்கத் துறை தொழில்நுட்ப வல்லுநா் ஆ. செந்தில் வரவேற்றாா். உழவியல் துறை தொழில்நுட்ப வல்லுநா் வி. அரவிந்த் நன்றி கூறினாா்.