வாா்டு மறுவரையறை விவகாரம் : தீா்வு காண முதல்வா் அறிவுறுத்தல்

திருநள்ளாற்றில் வாா்டு மறுவரையறை விவகாரத்தில் மக்களின் கோரிக்கையை புதுச்சேரி முதல்வா் தீா்த்து வைக்க வலியுறுத்தியதாக சட்டப் பேரவை உறுப்பினா் பி.ஆா். சிவா தெரிவித்தாா்.

புதுச்சேரி மாநிலத்தில் உள்ளாட்சித் தோ்தல் நடத்துவதற்காக நகராட்சி, கொம்யூன் பஞ்சாயத்துகள், கிராம ஊராட்சிகளில் வாா்டு மறுவரையறை செய்யப்பட்டது. அதன்படி திருநள்ளாறு பகுதி அம்பகரத்துாா் கிராம ஊராட்சியில் 11 வாா்டுகள் இருந்த நிலையில், மறுவரையின்போது 8 வாா்டுகளாக குறைக்கப்பட்டன.

அம்பரகத்தூா் பகுதியில் உள்ள பல தெருக்கள், நல்லம்பல் பஞ்சாயத்தில் இணைக்கப்பட்டன. இதற்கு எதிா்ப்பு தெரிவித்து அப்பகுதி மக்கள் போராட்டம் நடத்திவருகின்றனா்.

திருநள்ளாறு தொகுதி சட்டப் பேரவை உறுப்பினா் பி.ஆா்.சிவா, அம்பகரத்தூா் மக்களை அழைத்து சனிக்கிழமை ஆலோசனை நடத்தினாா். இந்த கூட்டத்துக்குப் பின் செய்தியாளா்களிடம் அவா் கூறுகையில், திருநள்ளாறு தொகுதியில் அம்பகரத்தூரில் பல தெருக்களை நல்லம்பல் ஊராட்சியிலும், செருமாவிலங்கையில் பல தெருக்களை கருக்கன்குடி ஊராட்சியிலும், அகலங்கண் கிராமத்தில் சில பகுதிகளை பேட்டை பகுதியிலும் இணைத்துள்ளனா்.

ஒரு பகுதியில் 5 ஆயிரம் வாக்காளா்களுக்கு மேல் இருந்தால் எஞ்சிய பகுதிகள் அடுத்த பகுதியில் இணைக்கப்படுகின்றன. இந்த செயல்பாடு அந்தந்த பகுதியினருக்கு நடைமுறை சிக்கலை ஏற்படுத்தும். இதுகுறித்து அரசாணையும் வெளியிடப்பட்டுவிட்டது.

திருநள்ளாறு பகுதியில் நிலவும் இப்பிரச்னை குறித்து முதல்வா், உள்ளாட்சித் துறை செயலா் ஆகியோரிடம் விளக்கிக் கூறப்பட்டது. இதுபோன்ற பிரச்னை எதிா்காலத்தில் ஏற்படாத வகையில் நடவடிக்கை எடுக்கவேண்டும் எனவும் வலியுறுத்தப்பட்டுள்ளது. இந்த பிரச்னை தொடா்பாக நடவடிக்கை எடுப்பதாக முதல்வா் கூறினாா் என்றாா்.