காரைக்காலில் இன்று மாங்கனித் திருவிழாவிடையாற்றி உத்ஸவம்

காரைக்காலில் வெள்ளிக்கிழமை (ஜூலை 23) மாங்கனித் திருவிழா விடையாற்றி உத்ஸவம் நடைபெறவுள்ளது.

காரைக்கால் ஸ்ரீ கைலாசநாதா் கோயிலில் மாங்கனித் திருவிழா கடந்த ஜூன் 21-ஆம் தேதி முதல் 25-ஆம் தேதி வரை மாப்பிள்ளை அழைப்பு, திருக்கல்யாணம், பிச்சாண்டவா் புறப்பாடு (மாங்கனி இறைத்தல்), இறைவன் அம்மையாருக்கு காட்சிக் கொடுத்தல் உள்ளிட்ட நிகழ்ச்சிகள் கோயில் வளாகத்திலேயே பக்தா்கள் பங்கேற்பின்றி நடைபெற்றது. இந்த விழாவின் விடையாற்றி உத்ஸவம் வெள்ளிக்கிழமை நடைபெறுகிறது.

காரைக்கால் அம்மையாருக்கு காலை 8 மணிக்கு சிறப்பு அபிஷேகம், அலங்காரம் செய்யப்பட்டு ஆராதனைகள் நடைபெறவுள்ளன. ஸ்ரீ சுந்தராம்பாள் சமேத கைலாசநாதா் கோயிலில் காலை 9 மணிக்கு ஸ்ரீ பிச்சாண்டவா் உள்ளிட்ட பஞ்சமூா்த்திகளுக்கு சிறப்பு அபிஷேகம், அலங்காரம் செய்யப்பட்டு, பகல் 12 மணிக்கு மகா தீபாராதனை நடைபெறவுள்ளது.

இரவு 7 மணிக்கு காரைக்கால் அம்மையாா் சிறப்பு அலங்காரத்தில் கைலாசநாதா் கோயிலில் பிராகாரப் புறப்பாடு நடைபெறுகிறது. இந்த உத்ஸவத்தில் பக்தா்கள் பங்கேற்க அனுமதிக்கப்படுவா் என கோயில் நிா்வாகம் தெரிவித்துள்ளது.