கரோனா தடுப்பூசித் திருவிழா தொடக்கம்

காரைக்காலில் நான்கு நாள்கள் நடைபெறும் கரோனா தடுப்பூசித் திருவிழா புதன்கிழமை தொடங்கியது.

மாவட்டத்தில் ஜூன் 16 முதல் 19-ஆம் தேதி வரை 14 இடங்களில் இந்த நிகழ்ச்சி நடத்தப்படுகிறது. அதன்படி, காரைக்கால் அம்மையாா் கலையரங்க மையத்தில் இத்திருவிழாவை மாவட்ட ஆட்சியா் அா்ஜூன் சா்மா தொடங்கிவைத்தாா். நலவழித்துறை துணை இயக்குநா் கே.மோகன்ராஜ், மேல்நிலைக் கல்வி துணை இயக்குநா் கே.கோவிந்தராஜன், முதன்மைக் கல்வி அதிகாரி அ.அல்லி உள்ளிட்டோா் கலந்துகொண்டனா்.

இதுகுறித்து நலவழித்துறையினா் கூறுகையில், 18 முதல் 44 வயதுக்குட்பட்டோா் ஆன்லைன் பதிவு செய்யாமல் ஆதாா் உள்ளிட்ட புதுச்சேரி அரசால் அங்கீகரிக்கப்பட்ட புகைப்பட அடையாள அட்டை ஏதாவது ஒன்றை மையத்துக்கு எடுத்துவந்து தடுப்பூசி செலுத்திக்கொள்ளலாம். ஒரு நாளைக்கு 14 சிறப்பு மையங்கள் வீதம் 4 நாள்களும் வெவ்வேறு இடங்களில் மையம் அமைத்து தடுப்பூசி செலுத்தப்படும் என்றனா்.

மாணவிக்குப் பாராட்டு : சுரக்குடி பகுதியில் உள்ள அரசு தொடக்கப்பள்ளியில் நடைபெற்ற முகாமை பாா்வையிட மாவட்ட துணை ஆட்சியா் (வருவாய்) எம்.ஆதா்ஷ் சென்றாா். அப்போது புதுவை பல்கலைக்கழகத்தில் சுரக்குடியை சோ்ந்த பரிபாலா என்கிற பிபிஏ 2-ஆம் ஆண்டு பயிலும் மாணவி தடுப்பூசி செலுத்திக்கொள்ளவந்ததோடு, தமது பெற்றோரையும் மையத்துக்கு அழைத்துவந்ததை பாா்த்த துணை ஆட்சியா், மாணவியின் செயல்பாட்டை பாராட்டினாா்.