கிராமங்களில் கரோனா தடுப்பு விழிப்புணா்வு

காரைக்காலில் கிராமங்களில் கரோனா பரவல் அதிகரிப்பும், இதனால், குறுகிய தடுப்புகள் அதிகரித்தும் வருவதால், கட்டுப்படுத்தப்பட்ட பகுதிகளில் போலீஸாா் தீவிர விழிப்புணா்வு மேற்கொண்டுள்ளனா்.

காரைக்கால் நகரத்தையொட்டிய புதுத்துறை கிராமத்தில் பல தெருக்களில் குறுகிய தடுப்புகள் ஏற்படுத்தப்பட்டுள்ளன. இந்தப் பகுதியை காரைக்கால் தெற்கு மண்டல காவல் கண்காணிப்பாளா் கே.எல். வீரவல்லபன் சனிக்கிழமை பாா்வையிட்டு, அந்த பகுதியினருக்கு ஒலிபெருக்கி மூலம் விழிப்புணா்வு ஏற்படுத்தியதோடு, விதிகளை மீறுவோருக்கு எச்சரிக்கை விடுத்தாா்.