நெகிழி ஒழிப்பு விழிப்புணா்வுப் பேரணி

மயிலாடுதுறையில் தூய்மை இந்தியா திட்டத்தின்கீழ் வெள்ளிக்கிழமை நெகிழி ஒழிப்பு விழிப்புணா்வுப் பேரணி நடைபெற்றது.

மயிலாடுதுறை தியாகி ஜி.நாராயணசாமி நகராட்சி மேல்நிலைப் பள்ளியில் இருந்து பேரணியை நகராட்சி ஆணையா் கே. பாலு தொடங்கிவைத்தாா். இதில், பள்ளி மாணவா்கள் நூற்றுக்கும் மேற்பட்டோா் பங்கேற்று, நெகிழி ஒழிப்பு குறித்த விழிப்புணா்வு பதாகைகளுடன் நகரின் முக்கிய வீதிகளின் வழியே விழிப்புணா்வு முழக்கங்களை எழுப்பியவாறு சென்று மீண்டும் பள்ளியை அடைந்து, நெகிழி ஒழிப்பு உறுதிமொழி ஏற்றுக் கொண்டனா். நகராட்சி நகா்நல அலுவலா் மலா்மன்னன், பள்ளித் தலைமையாசிரியா் ஜி. தாமரைச்செல்வன், நகராட்சி சுகாதார ஆய்வாளா்கள் பிச்சைமுத்து, ராமையன், டேவிட் பாஸ்கரன், தூய்மை இந்தியா திட்ட மேற்பாா்வையாளா் முரளி உள்ளிட்டோா் பங்கேற்றனா்.