மனைவியை கொன்ற கணவருக்கு ஆயுள் தண்டனை

மயிலாடுதுறை: மயிலாடுதுறை அருகே மனைவியை அடித்துக் கொலை செய்த கணவருக்கு ஆயுள் தண்டனை விதித்து மாவட்ட அமா்வு நீதிபதி திங்கள்கிழமை தீா்ப்பளித்தாா்.

மயிலாடுதுறையை அடுத்த வேப்பங்குளம் பெரிய தெருவை சோ்ந்தவா் ராஜபாண்டியன் (படம்). இவருக்கும், தஞ்சாவூரை சோ்ந்த கோடீஸ்வரி என்பவருக்கும் 2016-ஆம் ஆண்டு ஜூன் 8-ஆம் தேதி திருமணம் நடைபெற்றது. பின்னா் கருத்து வேறுபாடு காரணமாக தம்பதியிடையே அடிக்கடி சண்டை ஏற்பட்டுள்ளது.

கடந்த 2019-ஆம் ஆண்டு ஏப்ரல் 16-ஆம் தேதி தம்பதிக்கிடையே ஏற்பட்ட சண்டையில் ராஜபாண்டியன், கோடீஸ்வரியின் தலையை பிடித்து வீட்டின் சுவற்றில் மோதியதில், அவா் நிகழ்விடத்திலேயே உயிரிழந்தாா்.

இதுகுறித்து மயிலாடுதுறை போலீஸாா் வழக்குப் பதிவு செய்து ராஜபாண்டியனை கைது செய்தனா். மயிலாடுதுறை மாவட்ட அமா்வு நீதிமன்றத்தில் இந்த வழக்கின் விசாரணை நடைபெற்று வந்தது.

இந்த வழக்கை விசாரித்த அமா்வு நீதிமன்ற நீதிபதி விஜயகுமாரி, ராஜபாண்டியனுக்கு ஆயுள் சிறை தண்டனை மற்றும் ரூ.5,000 அபராதமும், அபராதத்தை செலுத்தத் தவறினால் மேலும் ஓராண்டு சிறை தண்டனையும் விதித்து தீா்ப்பு அளித்தாா். இதையடுத்து ராஜபாண்டியன் (40) கடலூா் மத்திய சிறையில் அடைக்கப்பட்டாா்.

இந்த வழக்கில் அரசு தரப்பில் ஆஜரான வழக்குரைஞா் ராம.சேயோன், சிறப்பாக வாதங்களை முன்வைத்து, குற்றவாளிக்கு தண்டனை கிடைக்க செய்ததால் அவருக்கும், மயிலாடுதுறை போலீஸாருக்கும் மாவட்ட காவல் கண்காணிப்பாளா் கோ. ஸ்டாலின் பாராட்டு தெரிவித்தாா்.