போக்ஸோ சட்டத்தில் முதியவா் கைது

மயிலாடுதுறை அருகே சிறுமிக்கு பாலியல் தொல்லை அளித்த முதியவரை போக்ஸோ சட்டத்தின்கீழ் போலீஸாா் திங்கள்கிழமை கைது செய்தனா்.

மயிலாடுதுறை அருகே கங்கணம்புத்தூா் ஊராட்சி கல்யாணசோழபுரம் கிராமத்தைச் சோ்ந்தவா் மணி (70). கூலித் தொழிலாளி. இவா், அப்பகுதியைச் சோ்ந்த 7 வயது சிறுமியிடம் தொடா்ந்து பாலியல் சீண்டலில் ஈடுபட்டு வந்துள்ளாா்.

இதுகுறித்து சிறுமி தனது பெற்றோரிடம் தெரிவித்துள்ளாா். சிறுமியின் உறவினா்கள் 2 போ், மணியிடம் சம்பவம் குறித்து கேட்டுள்ளனா். இதனால் இருதரப்பினருக்கும் இடையே வாக்குவாதம் ஏற்பட்டுள்ளது. அப்போது மணி தான் வைத்திருந்த கத்தியால் இருவரையும் கத்தியால் குத்தியுள்ளாா்.

இதில் காயமடைந்த இருவரும் அரசு மருத்துவமனையில் சிகிச்சைக்காக அனுமதிக்கப்பட்டுள்ளனா்.

இதுகுறித்து சிறுமியின் தாயாா் கொடுத்த புகாரின்பேரில் மயிலாடுதுறை அனைத்து மகளிா் காவல் நிலைய போலீஸாா் போக்ஸோ சட்டத்தின்கீழ் முதியவா் மணியை கைது செய்து, நீதிமன்றத்தில் முன்னிலைப்படுத்தி சிறையில் அடைத்தனா்.