புயல் எச்சரிக்கை: மீனவா்கள் கடலுக்கு செல்ல தடை

புயல் எச்சரிக்கையால் மீனவா்கள் கடலுக்கு செல்ல ஞாயிற்றுக்கிழமை தடைவிதிக்கப்பட்டுள்ளது.

வங்கக்கடலில் உருவாகியுள்ள காற்றழுத்தத் தாழ்வுநிலை காரணமாக, மயிலாடுதுறை மாவட்ட மீனவா்கள் ஞாயிற்றுக்கிழமை முதல் மறு அறிவிப்பு வரும் வரை கடலுக்கு மீன்பிடிக்கச் செல்ல வேண்டாம் என மீன்வளம் மற்றும் மீனவா் நலத்துறை அறிவுறுத்தியுள்ளது.

அதன்படி, பூம்புகாா், வானகிரி, கொடியம்பாளையம், பழையாறு, திருமுல்லைவாசல், கூழையாா், தொடுவாய் உள்ளிட்ட 28 மீனவ கிராம மீனவா்கள் கடலுக்கு மீன்பிடிக்க செல்லவில்லை.

இதனால், 300 விசைப்படகுகள், 3,250 பைபா் படகுகள் மீன்பிடி வலைகள் உள்ளிட்ட உபகரணங்களுடன் துறைமுகங்கள் மற்றும் ஆற்றின் முகத்துவாரப் பகுதிகளில் பாதுகாப்பாக நிறுத்தி வைக்கப்பட்டுள்ளன.