நாகை மாவட்ட எஸ்.பி. பொறுப்பேற்பு

நாகப்பட்டினம் மாவட்ட காவல் கண்காணிப்பாளராக டி. கண்ணன்  வெள்ளிக்கிழமை பொறுப்பேற்றார்.

நாகப்பட்டினம் மாவட்ட காவல் கண்காணிப்பாளராக இருந்த அபினவ்குமார் தென்சென்னை துணை ஆணையாளராக பணி மாறுதல் பெற்றார். இதையடுத்து, நாகப்பட்டினம் மாவட்டத்துக்கு டி. கண்ணன், காவல் கண்காணிப்பாளராக நியமிக்கப்பட்டார். இவர், வெள்ளிக்கிழமை காலை அலுவலகத்துக்கு வந்து பொறுப்பேற்றுக் கொண்டார். 2003-இல் உதவி காவல் கண்காணிப்பாளராகப் பணியில் சேர்ந்த டி. கண்ணன், பல்வேறு மாவட்டங்களில் பணிபுரிந்த பிறகு 2013-இல் தென்சென்னை இணை ஆணையாளராக பதவி உயர்வு பெற்றார். தற்போது இவர், நாகப்பட்டினம் மாவட்டத்துக்கு காவல் கண்காணிப்பாளராக பொறுப்பேற்றுள்ளார்.