கிராம நிர்வாக அலுவலர்கள்கோரிக்கைகளை வலியுறுத்தி பேரணி

பழைய ஓய்வூதியத் திட்டத்தை மீண்டும் அமல்படுத்த வலியுறுத்தி, நாகையில் கிராம நிர்வாக அலுவலர்கள் சங்கம் சார்பில் செவ்வாய்க்கிழமை பேரணி நடைபெற்றது.
இப்பேரணியில் கிராம நிர்வாக அலுவலர்களுக்குத் தேவையான கணினி மற்றும்  இணைய தள வசதியை ஏற்படுத்தித் தரவேண்டும்; அனைத்து விதமான பட்டா மாறுதல்களுக்கும் கிராம நிர்வாக அலுவலர்களின் பரிந்துரைகளைக் கட்டாயமாக்க வேண்டும்; கிராம நிர்வாக அலுவலர்களுக்கான கல்வித் தகுதியை உயர்த்த வேண்டும் உள்ளிட்ட கோரிக்கைகளும் வலியுறுத்தப்பட்டன.
 கிராம நிர்வாக அலுவலர்களின் காலவரையற்ற  விடுப்பு போராட்டத்தின் ஒரு பகுதியாக நடைபெற்ற இந்த பேரணி நாகை சார்  ஆட்சியர் அலுவலகம் முன்பிருந்து புறப்பட்டு முக்கிய வீதிகளின் வழியே நடைபெற்றது.
இப்பேரணிக்கு தமிழ்நாடு கிராம நிர்வாக அலுவலர்கள் சங்க நாகை மாவட்டத் தலைவர் வேதை ராஜேந்திரன் தலைமை வகித்தார்.
சங்கத்தின் மாவட்ட, வட்ட நிர்வாகிகள் உள்ளிட்டோர் கலந்துகொண்டனர்.