குரவப்புலம் பாயிண்ட் காலிமர் பள்ளிக்கு விருது

நாகை மாவட்டம், வேதாரண்யத்தை அடுத்த குரவப்புலம் பாயிண்ட் காலிமர் சர்வதேசப் பள்ளிக்கு தூய்மை பள்ளிக்கான மாநில விருது புதன்கிழமை வழங்கப்பட்டது.
சென்னையில் ஆசிரியர் தினத்தையொட்டி, முதல்வர் எடப்பாடி கே. பழனிசாமி தலைமையில் நடைபெற்ற விழாவில், கல்வித்துறை அமைச்சர் செங்கோட்டையன் இந்த விருதை வழங்கினார். பாயிண்ட் காலிமர் சர்வதேசப் பள்ளியின் தலைவர் எம். சுல்தானுல் ஆரிஃபின், பள்ளி முதல்வர் எஸ். சிராஜ் நிஸா, மாணவி ஜே.பி. வர்ஷனி ஆகியோர் விருதைப் பெற்றுக் கொண்டனர்.