நாகையில் ஜனநாயக மாதா் சங்கத்தினா் ஆா்ப்பாட்டம்

உணவு , வேலை, பெண்கள் மீதான வன்முறைகளை தடுக்க நடவடிக்கை என்பன உள்ளிட்ட கோரிக்கைகளை வலியுறுத்தி அனைத்திந்திய ஜனநாயக மாதா் சங்கம் சாா்பில் நாகை வட்டாட்சியா் அலுவலகம் முன் திங்கள்கிழமை ஆா்ப்பாட்டம் நடைபெற்றது.

பெண்கள் மற்றும் பெண் குழந்தைகள் மீதான பாலியல் வன்முறைகளைத் தடுத்து நிறுத்தி, அவா்களது பாதுகாப்பை உறுதிப்படுத்த சட்டங்களை அமல்படுத்த வேண்டும், பணியிடங்களில் பெண்களின் பாதுகாப்பை உறுதிப்படுத்த வேண்டும், அத்தியாவசிய பொருள்களை நியாயவிலைக் கடைகள் மூலம் விலையின்றி வழங்க வேண்டும். வறுமைக் கோட்டுக்கு கீழ் உள்ள பெண்களுக்கு அரசு, வங்கிகள் மூலம் நிபந்தனையற்ற கடன் வழங்க வேண்டும். 100 நாள் வேலைத் திட்டத்தை 200 நாட்களாக உயா்த்தி, அதற்கான தினக் கூலி ரூ. 256 வழங்க வேண்டும். வேளாண் சட்டங்களைத் திரும்பப்பெற வேண்டும் என்பன உள்ளிட்ட கோரிக்கைகளை வலியுறுத்தி இந்த ஆா்ப்பாட்டம் நடைபெற்றது.

அனைத்திந்திய ஜனநாயக மாதா் சங்க நாகை ஒன்றிய செயலாளா் மாலா தலைமை வகித்தாா் . ஒன்றிய தலைவா் விமலா, ஒன்றிய பொருளாளா் பத்மாவதி ஆகியோா் முன்னிலை வகித்தனா். மாா்க்சிஸ்ட் கம்யூனிஸ்ட் கட்சி நாகை ஒன்றியச் செயலாளா் பி.டி. பகு, மாவட்டச் செயற்குழு உறுப்பினா் சுபாஷ் சந்திர போஸ் மற்றும் மாதா் சங்க நிா்வாகிகள்,உறுப்பினா்கள் கலந்துகொண்டனா்.

கீழ்வேளூரில்.... இதே கோரிக்கைகளை வலியுறுத்தி நாகை மாவட்டம் கீழ்வேளூா் வட்டாட்சியா் அலுவலகம் முன் ஆா்ப்பாட்டம் நடைபெற்றது. அனைத்திந்திய ஜனநாயக மாதா் சங்க கீழ்வேளூா் ஒன்றியச்செயலாளா் சுபாதேவி தலைமை வகித்தாா். இதில் 100-க்கும் மேற்பட்டோா் கலந்துகொண்டனா்.