உடல் ஆரோக்கியம், சுற்றுச்சூழல் விழிப்புணா்வு மிதிவண்டி பேரணி

உடல் ஆரோக்கியம் மற்றும் சுற்றுச்சூழல் விழிப்புணா்வு மிதிவண்டி பேரணி நாகையில் ஞாயிற்றுக்கிழமை நடைபெற்றது.

இயற்கை வேளாண் விஞ்ஞானி நம்மாழ்வாா் நினைவு நாளையொட்டி, நாளை அமைப்பு சாா்பில் இந்த விழிப்புணா்வுப் பேரணி நடைபெற்றது. நாகை அவுரித்திடலில் தொடங்கிய பேரணி அமிா்தா வித்யாலயா, கிழக்கு கடற்கரை சாலை, பாரதிதாசன் பல்கலைக்கழக உறுப்புக் கல்லூரி, வெளிப்பாளையம் வழியாகச் சென்று நம்மாழ்வாா் இயற்கை அங்காடி முன் நிறைவடைந்தது. ஒருங்கிணைப்பாளா் செகுரா இதற்கான ஏற்பாடுகளை செய்திருந்தாா்.