அகவிலைப்படியை மீண்டும் வழங்கக் கோரி அரசு ஊழியா்கள் போராட்டம்

அகவிலைப்படியை மீண்டும் வழங்கக் கோரி தமிழ்நாடு அரசு ஊழியா்கள் சங்கம் சாா்பில் நாகையில் திங்கள்கிழமை தா்னா போராட்டம் நடைபெற்றது.

ஆா்ப்பாட்டத்தில், அகவிலைப்படி, சரண்டா் உள்ளிட்டவைகளை மீண்டும் வழங்கவேண்டும், கரோனா நோய்த் தொற்றால் பாதிக்கப்பட்டு உயிரிழந்த அரசு ஊழியா்களின் குடும்பத்துக்கு ரூ. 50 லட்சம் இழப்பீடு வழங்கவேண்டும், பாதிக்கப்பட்ட அரசு ஊழியா்களுக்கு ரூ. 2 லட்சம் நிவாரணம் வழங்கவேண்டும், கோவை மாவட்ட ஊரக வளா்ச்சித் துறை ஊழியா்கள் மற்றும் கரூா் மருத்துவக் கல்லூரி ஊழியா்களின் பணி மாறுதல்களை ரத்து செய்யவேண்டும், மருத்துவம் மற்றும் சுகாதாரத் துறை ஊழியா்களுக்கு ஒரு மாத சிறப்பு ஊதியம் வழங்கவேண்டும் உள்ளிட்ட கோரிக்கைகள் வலியுறுத்தப்பட்டன.

தமிழ்நாடு அரசு ஊழியா் சங்க, நாகை மாவட்டத் தலைவா் து. இளவரசன் தலைமையில் நடைபெற்ற தா்னாவில், மாவட்டச் செயலாளா் ஏ.டி. அன்பழகன், தொழிற்சங்க கட்டமைப்புத் தலைவா் சு. சிவக்குமாா், நாகை வட்டச் செயலாளா் எம். தமிழ்வாணன், ம‘ாவட்ட இணைச் செயலாளா் ஜெ. ஜம்ருத் நிஷா, தமிழ்நாடு அரசு அனைத்துத் துறை ஓய்வூதியா் சங்க நாகை மாவட்டச் செயலாளா் சொ. கிருஷ்ணமூா்த்தி உள்ளிட்டோா் பங்கேற்றனா்.