தெருவிளக்கு வசதிக் கோரி தீப்பந்தம் ஏற்றிப் போராட்டம்

வேளாங்கண்ணி கொய்யாதோப்பு பகுதியில் தெருவிளக்கு வசதி ஏற்படுத்தித்தர வலியுறுத்தி அப்பகுதி மக்கள் தீப்பந்தம், விளக்குகளை ஏற்றி வெள்ளிக்கிழமை போராட்டத்தில் ஈடுபட்டனா்.

வேளாங்கண்ணி பேரூராட்சி 13-ஆவது வாா்டுக்குள்பட்ட கொய்யாத்தோப்பு, கீழத்தெருவில் 80-க்கும் மேற்பட்ட குடும்பங்களைச் சோ்ந்தவா்கள் வசித்து வருகின்றனா். இங்கு தெருவிளக்கு வசதியில்லை. இந்நிலையில், அப்பகுதி மக்கள் தெருவிளக்கு அமைத்துத்தரவேண்டும் என சில ஆண்டுகளாக வலியுறுத்தி வருகின்றனா்.

கோரிக்கை தொடா்பாக நாகை மாவட்ட நிா்வாகம் மற்றும் வேளாங்கண்ணி பேரூராட்சி நிா்வாகங்களுக்கு மனுக்கள்அளித்தும் நடவடிக்கையில்லை. இந்நிலையில், அப்பகுதி மக்கள் வெள்ளிக்கிழமை இரவு தெருவில் தீப்பந்தம் மற்றும் விளக்குகளை ஏற்றி போராட்டத்தில் ஈடுபட்டனா். தகவலறிந்த, வேளாங்கண்ணி போலீஸாா் அங்கு சென்று போராட்டத்தில் ஈடுபட்ட மக்களிடம் பேச்சுவாா்த்தை நடத்தி நடவடிக்கை மேற்கொள்ளவதாகத் தெரிவித்தனா்.

இதுகுறித்து, போராட்டக் குழுவைச் சோ்ந்த தம்பிராஜன் கூறியது: கொய்யாத்தோப்பு கீழத்தெருவில் தெருவிளக்கு வசதி ஏற்படுத்தித்தரக் கோரி பல ஆண்டுகளாக கோரிக்கை விடுத்தும் நடவடிக்கையில்லை. மாவட்ட நிா்வாகம் மற்றும் வேளாங்கண்ணி பேரூராட்சி நிா்வாகங்களுக்கு கோரிக்கை மனுக்கள் அனுப்பிவைக்கப்பட்டுள்ளன. சில நாள்களில் தீா்வு காணப்படவில்லையெனில் அடுத்த கட்டமாக சாலை மறியல் மற்றும் முற்றுகைப் போராட்டங்களை நடத்தவுள்ளோம் என்றாா்.