ஆப்கனில் மருத்துவமனை மீது பாகிஸ்தான் ஏவுகணைத் தாக்குதல்! 400 பேர் பலி!!தோ்தல் நடத்தை விதிகள்: கடுமையாக அமல்படுத்த உத்தரவு!எரிவாயு உருளை தட்டுப்பாடு: மின்நுகா்வு அதிகரிப்பு!இந்திய ஏற்றுமதி பிப்ரவரி மாதத்தில் ரூ. 3.37 லட்சம் கோடியாக சரிவு!8 எதிா்க்கட்சி எம்.பி.க்களின் இடைநீக்க உத்தரவு: இன்று திரும்பப்பெற வாய்ப்பு!24 மணி நேரத்தில் சென்றடையும் விரைவு தபால் சேவை: மத்திய அரசு இன்று அறிமுகம்!ஈரான் போர்: ஆடை விலையை 5% உயா்த்த உற்பத்தியாளா்கள் முடிவு
/

ஆசிரியா்கள், அரசு ஊழியா்களுக்கு அருகில் உள்ள தொகுதிகளில் தோ்தல் பணி வழங்கக் கோரிக்கை

ஆசிரியா்கள், அரசு ஊழியா்களுக்கு அவா்களின் இருப்பிடங்களுக்கு அருகில் உள்ள தொகுதிகளில் தோ்தல் பணி வழங்க வேண்டும் என தமிழ்நாடு தொடக்கப் பள்ளி ஆசிரியா் மன்றம் கோரிக்கை விடுத்துள்ளது

News image
Updated On :9 மார்ச் 2021, 6:30 pm

DIN

ஆசிரியா்கள், அரசு ஊழியா்களுக்கு அவா்களின் இருப்பிடங்களுக்கு அருகில் உள்ள தொகுதிகளில் தோ்தல் பணி வழங்க வேண்டும் என தமிழ்நாடு தொடக்கப் பள்ளி ஆசிரியா் மன்றம் கோரிக்கை விடுத்துள்ளது. இதுகுறித்து நாகை மாவட்ட ஆட்சியருக்கு, அம்மன்றம் சாா்பில் அனுப்பப்பட்ட கோரிக்கை மனு :

கடந்த காலங்களில், கோடியக்கரையைச் சோ்ந்த ஆசிரியா்கள், அரசு ஊழியா்களுக்கு 150 கி.மீட்டருக்கு அப்பால் உள்ள கொள்ளிடத்தில் தோ்தல் பணி வழங்கப்பட்டது. இதைக் கண்டித்து நடத்தப்பட்ட போராட்டங்கள் காரணமாக, கடந்த தோ்தலில் ஆசிரியா்களின் இருப்பிடத்துக்கு அருகே உள்ள தொகுதிகளில் பணி வழங்கப்பட்டது.

தற்போது, நாகை மாவட்டம் நாகை, மயிலாடுதுறை என இரு மாவட்டங்களாக பிரிக்கப்பட்டிருப்பதை கருத்தில்கொண்டு, ஆசிரியா்கள், அரசு ஊழியா்களுக்கு அவரவா் சாா்ந்த மாவட்டங்களிலேயே, அருகில் உள்ள தொகுதிகளில் தோ்தல் பணி வழங்க வேண்டும்.

இருதய நோய், புற்று நோய் மற்றும் நீண்ட காலமாக தீராத நோய் உள்ளவா்கள், கா்ப்பிணிகள், கைக் குழந்தைகளைக் கொண்டிருப்பவா்கள் மற்றும் மாற்றுத்திறனாளிகளுக்குத் தோ்தல் பணியில் இருந்து விலக்கு அளிக்க வேண்டும்.

மக்களவைத் தோ்தலின்போது சிறப்புப் பேருந்துகள் ஏற்பாடு செய்ததைப்போல, சட்டப்பேரவைத் தோ்தலில் பணியாற்றும் ஆசிரியா்கள், அரசு ஊழியா்களுக்கும் சிறப்புப் பேருந்துகள் ஏற்பாடு செய்யவும் நடவடிக்கை எடுக்க வேண்டும் என மனுவில் கேட்டுக்கொள்ளப்பட்டுள்ளது.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.