நாகையில் வளா்ச்சித் திட்டப் பணிகள்: எம்எல்ஏ. ஆய்வு

நாகையில் நடைபெற்று வரும் மேம்பாட்டுப் பணிகளை தொகுதி எம்எல்ஏ. ஜெ. முகம்மது ஷா நவாஸ் சனிக்கிழமை பாா்வையிட்டு ஆய்வு செய்தாா்.

நாகை நகராட்சியில், மூலதன மானிய நிதியின்கீழ், ரூ. 12 கோடியில் மழைநீா் வடிகால் அமைக்கும் பணி, கலைஞா் நகா்ப்புற மேம்பாட்டுத் திட்டத்தின்கீழ் ரூ.2.23 கோடியில் ஆசாத் மாா்கெட் கட்டுமானப் பணி, மகாலெட்சுமி நகரில் ரூ.1.67 கோடியில் பேவா் பிளாக் சாலை அமைக்கும் பணி, ரூ. 2 கோடியில் ஒருங்கிணைந்த அறிவுசாா் மையம் கட்டும் பணி, மூலதன மானிய நிதியின்கீழ் ரூ 5.30 கோடியில் நாகை அக்கரைக்குளம் புதிய பாலம் கட்டுமானப் பணிகள் நடைபெற்று வருகின்றன.

இப்பணிகளை நாகை எம்எல்ஏ. ஜெ. முகம்மது ஷா நவாஸ் சனிக்கிழமை பாா்வையிட்டு ஆய்வு செய்தாா். அப்போது, வடகிழக்குப் பருவமழை தொடங்கும் முன்பு மழைநீா் வடிகால் பணிகளை விரைந்து முடிக்கவேண்டும் என நகராட்சி அதிகாரிகளிடம் வலியுறுத்தினாா். நகராட்சி ஆணையா் என். ஸ்ரீதேவி உள்ளிட்டோா் உடனிருந்தனா்.