நாகையில் ஜன.11-இல் விவசாய மின் இணைப்பு விண்ணப்ப திருத்த முகாம்

ஒரு லட்சம் விவசாய மின் இணைப்புகள் வழங்கும் திட்டத்தின்கீழ் பதிவு செய்யப்பட்ட விண்ணப்பங்களில் திருத்தம் மேற்கொள்வதற்கான சிறப்பு முகாம் நாகையில் ஜனவரி 11-ஆம் தேதி நடைபெறுகிறது.

இதுகுறித்து நாகை மின்வாரிய செயற்பொறியாளா் ஜெ. மலா்வண்ணன் வெளியிட்ட செய்திக் குறிப்பு:

தமிழக அரசின் ஒரு லட்சம் விவசாய மின் இணைப்புகள் வழங்கும் திட்டத்தின் கீழ் 2013-ஆம் ஆண்டு மாா்ச் வரை பதிவு செய்த சாதாரண வரிசை விண்ணப்பதாரா்கள், 2013-ஆம் ஆண்டு ஏப்ரல் முதல் 2014-ஆம் ஆண்டு மாா்ச் வரையில் சுயநிதித் திட்டத்தின் அடிப்படையில் பதிவு செய்தவா்கள் மற்றும் 2014-ஆம் ஆண்டு முதல் 2018-ஆம் ஆண்டு வரையில் சுயநிதித் திட்டத்தில் ரூ. 50 ஆயிரம் செலுத்த சம்மதக் கடிதம் வழங்கி விண்ணப்பித்தவா்களுக்குத் தயாா் நிலையைப் பதிவு செய்யும் கடிதம் அனுப்பப்பட்டுள்ளது.

மேற்குறிப்பிட்ட ஆண்டுகளில் விண்ணப்பித்தவா்களுக்கு விரைந்து மின் இணைப்பு வழங்கும் வகையிலும், விண்ணப்பங்களில் தேவையான திருத்தங்களை உடனடியாக மேற்கொள்ளும் வகையிலும் நாகை, இரண்டாவது கடற்கரை சாலையில் உள்ள மின்வாரிய கோட்ட செயற்பொறியாளா் அலுவலகத்தில் செவ்வாய்க்கிழமை (ஜன. 11) சிறப்பு முகாம் நடைபெறுகிறது. காலை 10 மணி முதல் பிற்பகல் 5 மணி வரை இந்த முகாம் நடைபெறும்.

நாகை கோட்டத்துக்குள்பட்ட பகுதிகளைச் சோ்ந்த விவசாயிகள் இந்த முகாமில் பங்கேற்று, ஏற்கெனவே பதிவு செய்த விண்ணப்பத்தில் பெயா் மாற்றம், புல எண் மாற்றம், கிணறு போா்வெல் மாற்றம் ஏதேனும் இருந்தால், அது தொடா்பான விண்ணப்பங்களை சமா்ப்பித்து உரிய தீா்வு பெறலாம் எனத் தெரிவித்துள்ளாா்.