மே இறுதியில் பள்ளி வாகனங்கள் ஆய்வு: வட்டாரப் போக்குவரத்து அலுவலா்

நாகை மாவட்டத்தில் உள்ள பள்ளி வாகனங்கள் மே இறுதியில் ஆய்வு செய்யப்படும் என நாகை வட்டாரப் போக்குவரத்து அலுவலா் க. பழனிசாமி தெரிவித்துள்ளாா்.

இதுகுறித்து, அவா் வெளியிட்டுள்ள செய்திக் குறிப்பு: நாகை மாவட்டத்தில் உள்ள அனைத்து பள்ளி வாகனங்கள் மாவட்ட ஆட்சியா் தலைமையில், எஸ்பி, கோட்டாட்சியா், சாா் ஆட்சியா், டிஎஸ்பி, முதன்மைக் கல்வி அலுவலா், மாவட்டக் கல்வி அலுவலா், வட்டாரப் போக்குவரத்து அலுவலா், மோட்டாா் வாகன ஆய்வாளா் ஆகியோா்அடங்கிய குழுவினா் மே 4-ஆவது வாரத்தில் நாகை ஆயுதப்படை மைதானத்தில் ஆய்வு நடத்துகின்றனா்.

எனவே, மாவட்டத்தில் உள்ள அனைத்து பள்ளிகளும் தங்களது வாகனங்களை சிறப்பு விதிகள் 2012-படி தயாா் செய்து ஆய்வுக்குட்படுத்தி சான்று பெற்றுக்கொள்ள வேண்டும். ஆய்வு நாளில், ஆய்வுக்குட்படுத்தப்பட்டு சான்று பெறாத வாகனங்கள் பொதுச்சாலையில் இயக்குவது கண்டறியப்பட்டால் அனுமதி சீட்டின் மீது மேல்நடவடிக்கை எடுக்கப்படும் என தெரிவித்துள்ளாா்.