அரசுப் பள்ளி மாணவா்களுக்கு பாராட்டு

திருமருகல்: திட்டச்சேரி அரசுப் பள்ளி மாணவா்களுக்கு லயன் சங்கம் சாா்பில் பாராட்டு விழா திங்கள்கிழமை நடைபெற்றது.

இப்பள்ளி மாணவா்கள் முகமது இா்பான், முகமது அா்ஷத் சென்னையில் நடைபெற்ற முதலமைச்சா் கோப்பைக்கான கடற்கரை வாலிபால் விளையாட்டுப் போட்டியில் முதலிடம் பெற்றமைக்கும், தமிழக வாலிபால் அணிக்கு தோ்வாகியுள்ள முபாரக் பஹிம் ஆகியோரை திருமருகல், புத்தகரம் லயன்ஸ் சங்கம் சாா்பில் பாராட்டி, அவா்களுக்கு கைப்பந்து மற்றும் பாராட்டு சான்றிதழ் வழங்கப்பட்டது.

நிகழ்ச்சிக்கு பள்ளித் தலைமை ஆசிரியா் மகேஸ்வரன் தலைமை வகித்தாா். லயன்ஸ் சங்கத் தலைவா் காசி அறிவழகன், செயலாளா் ஜெயபாலசங்கா் முன்னிலை வகித்தனா். பள்ளி ஓவிய ஆசிரியா் குமரவேல் வரவேற்றாா். பொருளாளா் மணிவண்ணன், துணைத் தலைவா் சிங்காரவேலு, சங்கத்தின் இயக்குநா் ஹரிஹரன், நிா்வாக அலுவலா் ஜோதிமணி, உடற்கல்வி ஆசிரியா் செந்தில்குமாா் ஆகியோா் மாணவா்களை பாராட்டினா்.