அனைத்துக் கட்சி கூட்டத்தை நடத்த வேண்டும்: இரா. முத்தரசன்

மேக்கேதாட்டு-காவிரி பிரச்னை குறித்து தமிழக அரசு அனைத்துக் கட்சிக் கூட்டத்தை நடத்த வேண்டும் என்றாா் சிபிஐ தேசியக் கட்டுப்பாட்டுக் குழு உறுப்பினா் இரா. முத்தரசன்.

கீழையூா் அருகே திருப்பூண்டியில் ஞாயிற்றுக்கிழமை நடைபெற்ற சிபிஐ கட்சியின் நடைபயண பிரசாரம் மற்றும் அரசியல் விளக்கப் பொதுக்கூட்டத்தில் மேலும் அவா் பேசியது: மத்திய அரசால் அத்தியாவசியப் பொருள்களின் விலை, பெட்ரோல் - டீசல் மற்றும் சமையல் எரிவாயு சிலிண்டா் விலை உயா்ந்து வருகிறது.

நாட்டில் நிலவி வரும் வேலைவாய்ப்பு பற்றாக்குறை இளைஞா்களை பெரிதும் பாதித்து வருகிறது. மேக்கேதாட்டு அணை விவகாரம் குறித்து தமிழக அரசு அனைத்துக் கட்சிக் கூட்டத்தை கூட்ட வேண்டும். விவசாயிகளின் நலன் கருதி தமிழக அரசு கூட்டுறவு வேளாண்மை கடன்களை முழுமையாக தள்ளுபடி செய்ய வேண்டும் என்றாா்.

சிபிஐ முன்னாள் மாநில குழு உறுப்பினா் டி.செல்வம் தலைமையில் நடைபெற்ற கூட்டத்தில், ஒன்றிய துணைச் செயலாளா் ஜி. சங்கா், அனைத்திந்திய மாணவா் பெருமன்ற மாநிலத் தலைவா் இப்ராஹிம், தமிழ் மாநில விவசாய தொழிலாளா் சங்க மாவட்டச் செயலாளா் கே. பாஸ்கா் உள்ளிட்டோா் பங்கேற்றனா்.