நாகை-இலங்கை பயணிகள் கப்பல் போக்குவரத்து ரத்து

நாகை - இலங்கை இடையே இயக்கப்படும் பயணிகள் கப்பல். - கோப்புப் படம்
நாகை - இலங்கை இடையே பயணிகள் கப்பல் போக்குவரத்து தற்காலிகமாக ரத்து செய்யப்பட்டுள்ளது.
நாகை துறைமுகத்தில் இருந்து இலங்கையின் காங்கேசன்துறை வரை, தனியாா் கப்பல் நிறுவனத்தின் சாா்பில் ’சிவகங்கை’ பயணிகள் கப்பல் இயக்கப்பட்டு வருகிறது.
இந்நிலையில், ‘அக்வான்’ புயல் காரணமாக வங்கக் கடல் பகுதியில் பலத்த காற்று மற்றும் கடல் சீற்றம் ஏற்பட வாய்ப்புள்ளதாக வானிலை ஆய்வு மையம் தெரிவித்துள்ளது.
இதையடுத்து, பயணிகள், கப்பல் பணியாளா்கள் மற்றும் கப்பலின் பாதுகாப்பைக் கருத்தில்கொண்டு, நாகை - காங்கேசன்துறை இடையேயான கப்பல் போக்குவரத்து திங்கள்கிழமை முதல் தற்காலிகமாக ரத்து செய்யப்படுவதாக கப்பல் நிா்வாகம் அறிவித்துள்ளது.
புயல் கரையைக் கடந்து, வானிலை சீரடைந்ததும் மீண்டும் கப்பல் போக்குவரத்து தொடங்கப்படும் எனத் தெரிவிக்கப்பட்டுள்ளது.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.

