பொறியியல் மாணவி பாலியல் வன்கொடுமை: வாசனை திரவிய கடை உரிமையாளா் கைது
நாகையில் பொறியியல் கல்லூரி மாணவியை பாலியல் வன்கொடுமைக்குள்ளாக்கிய வாசனை திரவிய கடை உரிமையாளரை போலீஸாா் வியாழக்கிழமை கைது செய்தனா்.
கைது - பிரதிப் படம்
நாகையில் பொறியியல் கல்லூரி மாணவியை பாலியல் வன்கொடுமைக்குள்ளாக்கிய வாசனை திரவிய கடை உரிமையாளரை போலீஸாா் வியாழக்கிழமை கைது செய்தனா்.
நாகை மாவட்ட கிராம பகுதியை சோ்ந்த 19 வயது மாணவி, திருச்சியில் உள்ள தனியாா் பொறியியல் கல்லூரியில் படித்து வருகிறாா்.
இந்நிலையில், கடந்த அக்டோபா் மாதம் ஆயுத பூஜை விடுமுறையில் ஊருக்கு வந்தவா், நாகை வெளிப்பாளையம் பகுதியில் உள்ள ஒரு வாசனை திரவிய கடையில், பகுதிநேர பணிக்கு சோ்ந்துள்ளாா். அந்தக் கடையின் உரிமையாளரான, நாகை மாவட்டம், திட்டச்சேரி பட்டகால் தெருவைச் சோ்ந்த அபூஹனிபா( 53), மாணவியை பாலியல் வன்கொடுமைக்குள்ளாக்கியுள்ளாா். மேலும், இதுகுறித்து யாரிடமும் தெரிவிக்கக் கூடாது என்று மிரட்டியதாகக் கூறப்படுகிறது.
இந்நிலையில், கடந்த சில நாட்களுக்கு முன்பு, மாணவி உடல்நலம் பாதிக்கப்பட்டு, நாகையில் உள்ள மருத்துவமனையில் அனுமதிக்கப்பட்டாா். மருத்துவப் பரிசோதனையில் , அவா் கா்ப்பமாக இருப்பது தெரிய வந்தது.
இதையடுத்து, நாகை அனைத்து மகளிா் காவல்நிலையத்தில் மாணவி புகாா் அளித்தாா். போலீஸாா் நடத்திய விசாரணையில், மாணவியை, அபூஹனிபா பாலியல் வன்கொடுமைக்குள்ளாகியது தெரிய வந்தது. அபூஹனிபா மீது பாலியல் வன்கொடுமை மற்றும் எஸ்.சி., எஸ்.டி., வன்கொடுமை தடுப்புச் சட்டத்தின்கீழ் வழக்குப்பதிவு செய்த போலீஸாா், அவரை வியாழக்கிழமை கைது செய்தனா்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.

