பா.ஜ.க.வின் உழவன் உரிமை மீட்பு சைக்கிள் பேரணி: கூத்தாநல்லூரில் வரவேற்பு

பாரதிய ஜனதா கட்சி மேற்கொண்டு வரும் உழவன் உரிமை மீட்பு சைக்கிள் பேரணி திருவாரூர் மாவட்டம், கூத்தாநல்லூரை வியாழக்கிழமை வந்தடைந்தது.
பேரணிக்கு பா.ஜ.க. மாநிலப் பொதுச் செயலாளர் கருப்பு முருகானந்தம் தலைமை வகித்தார். கோட்டப் பொறுப்பாளர் டி. வரதராஜன், மாவட்டத் தலைவர் பேட்டை சிவா, கோட்ட இணைப் பொறுப்பாளர் சி.எஸ். கண்ணன், மாவட்டப் பொதுச் செயலாளர் டீ. துரையரசன் உள்ளிட்டோர் சைக்கிளில் அணிவகுத்து வந்தனர். குடவாசலிலிருந்து புறப்பட்ட பேரணி, கூத்தாநல்லூர் வட்டம், வாழாச்சேரி, பொதக்குடி, அத்திக்கடை, சேகரை வழியாக கூத்தாநல்லூர் லெட்சுமாங்குடி பாலத்தை அடைந்தது. கூத்தாநல்லூர் நகர பாஜக தலைவர் தியாகராஜன் தலைமையில், லெட்சுமாங்குடி பாலத்தில் பேரணிக்கு உற்சாக வரவேற்பு அளிக்கப்பட்டது.
அப்போது, பாஜக மாநிலப் பொதுச் செயலாளர் கருப்பு முருகானந்தம் பேசுகையில், விவசாயிகளின் வாழ்வாதாரத்தைக் காக்க இந்த சைக்கிள் பேரணியை நடத்துகிறோம் என்றார்.