கோதண்டராம சுவாமி கோயிலில் ஏகதின லட்சார்ச்சனை விழா

திருவாரூர் மாவட்டம், மன்னார்குடியை அடுத்த வடுவூர் கோதண்டராம சுவாமி கோயிலில், ஏகதின லட்சார்ச்சனை விழா ஞாயிற்றுக்கிழமை நடைபெற்றது.
இதையொட்டி சீதாதேவி, லட்சுமணன் மற்றும் அனுமன் சமேதராக கோதண்டராம சுவாமி எழுந்தருளினார்.  அப்போது, 5-க்கும் மேற்பட்ட தீட்சிதர்கள், பெருமாளுக்கு சகஸ்ர நாமம் சொல்லி, சுமார் 4 மணிநேரம் அர்ச்சனை செய்தனர். இதைத்தொடர்ந்து, விசேஷ தீபாராதனை காட்டப்பட்டது.
ஸ்ரீமத் ஆண்டவன் ஆசிரமம் சார்பில், சுவாமிகளுக்கு 3 வகையான அன்னப்பாவாடை படைக்கப்பட்டு, பக்தர்களுக்கு பிரசாதம் வழங்கப்பட்டன.