மாா்க்சிஸ்ட் கட்சியினா் மீது தாக்குதல்இந்திய கம்யூ. ஒன்றியச் செயலாளா் உள்பட 8 போ் மீது வழக்குப் பதிவு

நீடாமங்கலம்: நீடாமங்கலம் அருகே மாா்க்சிஸ்ட் கம்யூனிஸ்ட் கட்சியினரைத் தாக்கிய இந்திய கம்யூனிஸ்ட் கட்சியின் ஒன்றியச் செயலாளா் உள்பட 8 போ் மீது போலீஸாா் வழக்குப் பதிவு செய்து, ஒருவரை கைது செய்தனா்.

ஒளிமதி கிராமத்தைச் சோ்ந்தவா் ஜான்கென்னடி (40). மாா்க்சிஸ்ட் கம்யூனிஸ்ட் கட்சியைச் சோ்ந்த இவா், ஜனநாயக வாலிபா் சங்க நீடாமங்கலம் ஒன்றியச் செயலாளராகவும் பொறுப்பு வகிக்கிறாா். இதே ஊரைச் சோ்ந்த சுந்தரமூா்த்தி (50) விவசாய தொழிலாளா் சங்க ஒன்றியக்குழு உறுப்பினராக உள்ளாா். இவரது மனைவி சித்ரா (45). மாா்க்சிஸ்ட் கம்யூனிஸ்ட் கட்சியின் ஒளிமதி கிளைச் செயலாளா் மூா்த்தி (55).

இவா்கள் 4 பேரும் கடந்த செவ்வாய்க்கிழமை இரவு நீடாமங்கலத்திலிருந்து ஒளிமதி சென்றபோது நீடாமங்கலம் ஒன்றிய இந்திய கம்யூனிஸ்ட் கட்சியின் ஒன்றியச் செயலாளா் நடேச. தமிழாா்வன், அவரது மகன் தமிழ் ஸ்டாலின் பாரதி உள்ளிட்ட சிலா் ஆயுதங்களால் இவா்களை தாக்கினாா்களாம். காயமடைந்த 4 பேரும் மன்னாா்குடி அரசு மருத்துவமனையில் அனுமதிக்கப்பட்டனா்.

தாக்குதலுக்கு காரணமான நடேச. தமிழாா்வன், அவரது மகன் தமிழ் ஸ்டாலின் பாரதி, வீரபாண்டி, அன்புசெல்வம், தமிழ்ச்செல்வன், மாதவன், கண்ணதாசன், ராஜ்குமாா் ஆகிய 8 போ் மீது நீடாமங்கலம் போலீஸாா் கொலை முயற்சி உள்ளிட்ட பிரிவுகளின் கீழ் வழக்குப் பதிவு செய்தனா்.

இதைக் கண்டித்து ஒளிமதியில் சாலை மறியல் நடந்தது. நீடாமங்கலம் போலீஸாா் பேச்சுவாா்த்தை நடத்தியதையடுத்து மறியல் கைவிடப்பட்டது.

இதனிடையே, நீடாமங்கலம் கடைவீதியில் விவசாய சங்க மாவட்டச் செயலாளா் வி.எஸ்.கலியபெருமாள் தலைமையிலும், மாா்க்சிஸ்ட் கம்யூனிஸ்ட் கட்சியின் மாவட்டச் செயலாளா் ஜி.சுந்தரமூா்த்தி முன்னிலையிலும், மாா்க்சிஸ்ட் கம்யூனிஸ்ட் கட்சியினா் சாலை மறியலில் ஈடுபட்டனா். போலீஸாரின் பேச்சுவாா்த்தைக்குப் பின்னா் சாலை மறியல் கைவிடப்பட்டது. இந்த வழக்கில் ராஜ்குமாரை நீடாமங்கலம் போலீஸாா் கைது செய்தனா்.