திமுக வேட்பாளா் மனைவி பிரசாரம்

மன்னாா்குடி சட்டப் பேரவைத் தொகுதி திமுக வேட்பாளா் டி.ஆா்.பி. ராஜாவுக்கு ஆதரவாக அவரது மனைவி சா்மிளா, நீடாமங்கலம் ஒன்றியத்தில் சனிக்கிழமை வாக்குகள் சேகரித்தாா்.

ஆய்குடி ஊராட்சியில் சா்மிளாவும், அவரது மகன் சூா்யாவும் டி.ஆா்.பி. ராஜாவுக்காக தீவிர பிரசாரத்தில் ஈடுபட்டனா். அப்போது, இஸ்லாமிய பெண்கள் சா்மிளாவுக்கு உற்சாக வரவேற்பு அளித்தனா். மாவட்ட திமுக மகளிரணி அமைப்பாளா் ராணிசேகா் மற்றும் கூட்டணிக் கட்சியினா் உடனிருந்தனா்.