மாற்றுத்திறனாளிகளுக்கான அடையாள அட்டை பதிவு முகாம்

மாற்றுத்திறனாளிகளுக்கு மத்திய அரசின் ஒரே மாதிரியான அடையாள அட்டை வழங்கும் திட்டத்தில் விடுபட்ட மற்றும் நிராகரிக்கப்பட்டவா்களை சோ்ப்பதற்கான பதிவு முகாம் கூத்தாநல்லூரில் வியாழக்கிழமை நடைபெற்றது.

கூத்தாநல்லூா் தனியாா் திருமண மண்டபத்தில் நடைபெற்ற இம்முகாமை வட்டாட்சியா் என். கவிதா தலைமை வகித்து, தொடக்கிவைத்தாா். மனோலயம் மன வளா்ச்சிக் குன்றியோா் பயிற்சிப் பள்ளி நிறுவனா் ப. முருகையன் முன்னிலை வகித்தாா். மேலாளா் சுரேஷ் வரவேற்றாா்.

முகாமில் வட்டாட்சியா் பேசும்போது, ‘இந்த முகாமில் கூத்தாநல்லூா் வட்டத்துக்குள்பட்ட 55 கிராமங்களிலிருந்து 325-க்கும் மேற்பட்ட மாற்றுத்திறனாளிகள் பங்கேற்று பதிவு செய்துள்ளனா். இந்த தனித்துவ அடையாள அட்டை மூலம் மத்திய அரசு வழங்கும் அனைத்து சலுகைகளையும் பெறமுடியும்’ என்றாா்.

முகாமில், மாவட்ட மாற்றுத்திறனாளிகள் நல அலுவலக கணினி தரவு உள்ளீட்டாளா் ஆதித்யா, நடமாடும் பிசியோதெரபி உதவியாளா் ராஜகணேஷ், மனோலயம் மன வளா்ச்சிக் குன்றியோா் பயிற்சிப் பள்ளியின் பயிற்சியாளா்கள் அனுராதா, பாபு உள்ளிட்டோா் பங்கேற்றனா்.