கூத்தாநல்லூர்: புதிய மின்சார மசோதாவை கைவிடக்கோரி காங். தீர்மானம்  

திருவாரூர் மாவட்டம், கொரடாச்சேரியில் நடைபெற்ற காங்கிரஸ் கட்சியின் மாவட்ட பொதுக்குழு கூட்டத்தில், புதிய மின்சார மசோதாவைக் கைவிட வேண்டும் என தீர்மானம் நிறைவேற்றப்பட்டது.

கொரடாச்சேரியில் காங்கிரஸ் கட்சியின் மாவட்ட பொதுக்குழு கூட்டம் மற்றும் வட்டார, நகர, பேரூர் கமிட்டிகள், துணை அமைப்புகளுக்கான ஆய்வு கூட்டமும் நடைபெற்றது.கூட்டத்திற்கு, திருவாரூர் மாவட்ட காங்கிரஸ் தலைவர் எஸ்.எம்.பி துரை வேலன் தலைமை வகித்தார். பொதுச் செயலாளர் பட்டுக்கோட்டை மகேந்திரன், தமிழ்நாடு காங்கிரஸ் கமிட்டி செயலாளர் நாகூர் நவ்ஷாத் ஆகியோர் முன்னிலை வகித்தனர்.

இதையும் படிக்க | மின்துறையும் தனியாரிடம்? 100 யூனிட் இலவச மின்சாரம் ரத்தா? மசோதா சொல்வதென்ன? 

தொடர்ந்து கூட்டத்தில் நிறைவேற்றப்பட்ட தீர்மானங்கள். பெட்ரோல், டீசல் மற்றும் கேஸ் விலை உயர்வை மத்திய அரசு உடனே திரும்பப் பெற வேண்டும். தமிழகத்திற்கு அதிகமான தடுப்பு ஊசிகளை ஒதுக்க வேண்டும்.அலைபேசி ஒட்டுக் கேட்பு விவகாரம் குறித்து விசாரிக்க எம்.பி.க்கள் கொண்ட குழுவை அமைக்க வேண்டும். திருவாரூர் - தஞ்சை தேசிய நெடுஞ்சாலையை உடனடியாக சீரமைக்க வேண்டும்.மேகதாது அணை கட்டும் முயற்சியை கர்நாடகா பா.ஜ.க.உடனே கைவிட வேண்டும்.  விவசாயிகளுக்கு எதிரான வேளாண் சட்டங்கள் மூன்றையும் திரும்பப் பெற வேண்டும். புதிய மின்சார மசோதாவை திரும்பப் பெற வேண்டும். கல்லூரி மாணவர்கள் அனைவருக்கும் கல்வி கடன் வழங்க வேண்டும். உள்ளாட்சித் தேர்தலில் காங்கிரஸ் கட்சி அதிக இடங்களைப் பெற்று ெவற்றி பெற வேண்டும் என்பன உள்ளிட்ட பல்வேறு தீர்மானங்கள் நிறைவேற்றப்பட்டன. கூட்டத்தில், மாவட்டப் பொதுச் செயலாளர் அன்பு வே.வீரமணி, நகரச் செயலாளர்கள் சாம்பசிவம், எழிலரசன், கனகவேல், கொரடாச்சேரி பேரூராட்சித் தலைவர் நடராசன் உள்ளிட்ட பலர் பங்கேற்றனர். முன்னதாக, காங்கிரஸ் உள்ளிட்ட முக்கியஸ்தர்களின் மறைவிற்கு இரங்கல் தெரிவிக்கப்பட்டன.