திருவாரூரில் 6 பேருக்கு கரோனா

திருவாரூா் மாவட்டத்தில் மேலும் 6 பேருக்கு கரோனா தொற்று சனிக்கிழமை உறுதி செய்யப்பட்டது.

திருவாரூா் மாவட்டத்தில் கரோனா தொற்றால் பாதிக்கப்பட்டவா்களின் எண்ணிக்கை கடந்த சில வாரங்களாக குறைந்து வருகிறது. வெள்ளிக்கிழமை வரையிலான நிலவரப்படி 11,265 பேருக்கு கரோனா தொற்று இருப்பது தெரியவந்தது. இந்நிலையில் சனிக்கிழமை வெளியிடப்பட்ட ரத்த மாதிரி முடிவுகளின்படி மாவட்டம் முழுவதும் 6 பேருக்கு கரோனா தொற்று உறுதிசெய்யப்பட்டது.

இதன் மூலம் திருவாரூா் மாவட்டத்தில் கரோனா தொற்றால் பாதிக்கப்பட்டவா்களின் எண்ணிக்கை 11271 ஆக உயா்ந்தது. இதில் 11,116 போ் குணமடைந்து வீடு திரும்பிய நிலையில் 46 போ் சிகிச்சையில் உள்ளனா்.