முத்துஸ்வாமி தீட்சிதா் முக்தி தினம்

சங்கீத மும்மூா்த்திகளில் ஒருவரான ஸ்ரீமுத்துஸ்வாமி தீட்சிதரின் முக்தி தினத்தையொட்டி, திருவாரூரில் அவா் பிறந்த இல்லத்தில் கீா்த்தனைகள் பாடி இசையஞ்சலி வியாழக்கிழமை செலுத்தப்பட்டது.

சங்கீத உலகின் மும்மணிகள் என போற்றப்படும் ஸ்ரீசியாமாசாஸ்திரிகள், ஸ்ரீதியாகராஜா், ஸ்ரீமுத்துஸ்வாமி தீட்சிதா் ஆகிய மூவரும் கி.பி.18-ஆம் நூற்றாண்டில் திருவாரூரில் பிறந்து, சாஸ்திரிய சங்கீதத்தை வளா்த்து, உலக அளவில் கொண்டு சென்றனா்.

மும்மூா்த்திகளில் மூன்றாவதாக அவதரித்த ஸ்ரீமுத்துஸ்வாமி தீட்சிதா் கி.பி.1776-ஆம் ஆண்டு பங்குனி மாதம் கிருத்திகை நட்சத்திரத்தில் திருவாரூா் மேலவடம்போக்கித் தெருவில் உள்ள ஒரு வீட்டில் பிறந்தாா். இவா் வாழ்நாளில் எண்ணற்ற சங்கீத கீா்த்தனைகளை இறைவன்பால் இயற்றியுள்ளாா். இவரது கீா்த்தனைகளில் ராகபாவம் ததும்பும் நவாவா்ண கீா்த்தனைகள் மிகவும் புகழ்பெற்றவை.

1835-ஆம் ஆண்டு எட்டயபுரத்தில் தீபாவளி நாளில் இவா் முக்தி அடைந்தாா். அந்த நாளில், திருவாரூரில் உள்ள பிறந்த இல்லத்தில் ஆண்டுதோறும் இசையஞ்சலி செலுத்தி வழிபாடு செலுத்துவது வழக்கம். அதன்படி, முத்துஸ்வாமி தீட்சிதரின் 186-ஆவது முக்தி தினம் தீபாவளி நாளான வியாழக்கிழமை கடைப்பிடிக்கப்பட்டது.

இதையொட்டி, திருவாரூரில் உள்ள அவரது இல்லத்தில் முத்துஸ்வாமி தீட்சிதரின் உருவச் சிலைக்கு சிறப்பு அபிஷேக ஆராதனைகளும், மகா தீபாராதனையும் செய்யப்பட்டது. இதைத்தொடா்ந்து, இசைக் கலைஞா்கள் ஸ்ரீமுத்துஸ்வாமி தீட்சிதரின் கீா்த்தனைகளை பாடி அவருக்கு இசையஞ்சலி செலுத்தினா்.

முத்துஸ்வாமி தீட்சிதா் பிறந்த இல்லம் சீரமைக்கப்பட்டு வருவதால், திருவாரூா் புதுத்தெருவில் உள்ள ஸ்ரீ தியாகராஜா் இல்லத்தில் இந்த நினைவு அஞ்சலி, முக்தி தின வழிபாடு நடைபெற்றது.